Qazaqstan Respýblıkasy Premer-Mınıstriniń orynbasary Asqar Jumaǵalıev Reseı Federasıasyna issapar barysynda «Skolkovo» tehnosaıabaǵynda «Inovasıalyq tehnologıalar saıabaǵynyń» qazaqstandyq ókildiginiń ashylý saltanatyna qatysty, sonymen qatar RF Úkimeti tóraǵasynyń orynbasary Arkadıı Dvorkovıchpen ekijaqty seriktestik máselelerin talqylady.
Qazaqstan Respýblıkasy Premer-Mınıstriniń orynbasary Asqar Jumaǵalıev «Skolkovo» tehnosaıabaǵynda ınovasıalyq damýdyń «Ashyq ınovasıalar-2017» VI Máskeý halyqaralyq forýmyna qatysty.
Bıyl Forýmnyń basty taqyryby – sıfrlyq ekonomıka. Álemniń 90 elinen jınalǵan 18 myńnan astam qatysýshy sıfrlyq ekonomıka men álemdik aqparattandyrýǵa qatysty ǵalamdyq úrdisterdiń transformasıalanýyn talqylaýda.
Forým aıasynda «Skolkovo» tehnosaıabaǵynyń bazasynda «Inovasıalyq tehnologıalar saıabaǵy» (ITS) Avtonomdyq klasterlik qor ókildiginiń ashylýy ótti.
«Skolkovodaǵy» «ITS» ókildigi qazaqstandyq startaptardyń EAEO naryǵyna shyǵýyna qajetti jaǵdaı jasap, bilim jáne akselerasıalyq baǵdarlama jáne softlendıngke platforma túrinde saraptamalyq qoldaý kórsetedi. Al esesine reseılik kompanıalarǵa jeńildetilgen salyq tártipteri, startaptaryna ınvestısıa tartý mehanızmderi, QR iri kompanıalarymen seriktestik jáne t.b. usynylady.
«Skolkovodaǵy» «ITS» ókildiginiń ashylýy ótken aptada Sochıde uıymdastyrylǵan Joǵary Eýrazıalyq ekonomıkalyq keńes otyrysynyń qorytyndysy boıynsha memleket basshylary arasyndaǵy kelisim úrdisindegi EAEO elderiniń sıfrlyq ekonomıkasyn sáıkestendirýge jasaǵan qarymdy qadamdardyń biri boldy. Qazirgi tańda biz Elbasynyń tapsyrmasy boıynsha adamı kapıtaldy jáne proaktıvti memleketti damytý, sıfrly ınfraqurylymdy jasaý jáne
ekonomıkanyń barlyq salasyn sıfrlandyrý máselesin qamtıtyn "Sıfrly Qazaqstan" baǵdarlamasyn jetildirýmen aınalysyp jatyrmyz. Bul baǵdarlamada ekojúıeni damytý men ónerkásip mekemelerin sıfrlandyrý sıaqty mańyzdy elementter bolady. Baǵdarlama jýyrda pysyqtalyp jetildiriledi»,- dedi QR Premer-Mınıstriniń orynbasary Asqar Jumaǵalıev.
Qazaqstan vıse-premeri issapar barysynda Reseı Federasıasynyń Úkimeti tóraǵasynyń orynbasary Arkadıı Dvorkovıchpen kezdesti. Taraptar ınovasıalyq seriktestikti nyǵaıtý qajet ekendigin aıtyp, naqty baǵyttardy talqylady.
«Biz retteýshi úlgilerdi úılestirip, kıberqaýipsizdikti qamtamasyz etý, komýnıkasıalyq ınfraqurylym mehanızmderin jáne bilim men ǵylym máselelerin sáıkestendirý kerekpiz. Osy tórt bazalyq basymdyq «Reseı sıfrly ekonomıkasy» baǵdarlamasynda da kórsetilgen», - dedi RF vıse-premeri Arkadıı Dvorkovıch.
