Nursultan Nazarbaev Saýd Arabıasy Koróldiginiń İshki ister mınıstri Ábdel Ázız ben Saýd ben Naıfpen kezdesti, dep jazady Qamshy.kz aqparat agenttigi Aqordanyń baspasóz qyzmetine silteme jasap.
Memleket basshysy Qazaqstan men Saýd Arabıasy Koróldigi arasynda ornyqqan memleketaralyq yntymaqtastyqtyń mańyzdylyǵy erekshe ekenin atap ótti.
– Bıyl biz táýelsizdigimizdiń 26 jyldyǵyn atap ótýdemiz. Osy kezeń ishinde Saýd Arabıasymen baýyrlastyq qarym-qatynastar ornatý úshin barlyq sharalardy atqaryp kelemiz. Elordamyz Astanany salýǵa qoldaý kórsetkenderińiz úshin sizderge rızashylyq bildiremiz, – dedi Qazaqstan Prezıdenti.
Sonymen qatar, Nursultan Nazarbaev jahandyq terorızm men ekstremızm qaýip tóndirip turǵan kezde eki eldiń quqyq qorǵaý organdary arasynda baılanystar ornatýdyń mańyzdy ekenin atap ótti.
Saýd Arabıasy Koróldiginiń İshki ister mınıstri Memleket basshysyna Saýd Arabıasynyń Koroli Salman ben Ábdel Ázız Ál Saýdtyń sálemin jetkizip, elderiniń ekijaqty tabysty yntymaqtastyqty odan ári nyǵaıtýǵa jáne damytýǵa nıetti ekenin aıtty.
