QR Tuńǵysh Prezıdenti – Elbasy Qory janyndaǵy Álemdik ekonomıka jáne saıasat ınstıtýtynyń (ÁESI) ishki saıası jáne áleýmettik zertteýler baǵdarlamasynyń jetekshisi Serik Beısembaev Konrad Adenaýer atyndaǵy Qor ókildigi men QR Tuńǵysh Prezıdenti – Elbasy Qorynyń seriktestigimen Astana qalasynda uıymdastyrylǵan «Etnıkalyq toptardyń beıbit ómir súrýin qalyptastyrý strategıasy» atty konferensıada «Qazaqstannyń ońtústigindegi etnıkaaralyq jaǵdaı: formaldi emes jumysbastylyq faktory» baıandamasyn oqydy dep habarlaıdy Qamshy.kz aqparat agenttigi.
ÁESI ókiliniń aıtýynsha, Qazaqstandaǵy etnıkaaralyq qarym-qatynastar úılesimdi bolyp tabylady. Sonymen qatar, áleýetti shıelenis aımaqtary da bar, negizinen bul joǵary bala týýmen, udaıy mıgrasıalyq úrdistermen jáne halyqtyń etnıkalyq quramynyń jıi ózgerýimen tikeleı baılanysty kúrdeli áleýmettik-demografıalyq sıpaty bar eldiń ońtústik óńirlerine tán.
- Sońǵy birneshe jylda etnıkalyq qaýymdar arasyndaǵy shıelenister memlekettik adam eń kóp shoǵyrlanǵan aımaqtarynda oryn alǵan – Ońtústik Qazaqstan oblysynyń Maqtaaral, Saıram men Saryaǵash aýdandarynda. Bul aýdandardyń joǵary shıelenis áleýeti jumys oryndarynyń tapshylyǵynan, ekonomıkalyq taýasha men ózge der resýrstar, sonyń ishinde jaıylymdar, aýyl sharýashylyq jerleri, sý kózi úshin týyndaǵan, - dedi óz baıandamasynda Serik Beısembaev.
Sarapshynyń pikirinshe, shıelenistiń taǵy bir mańyzdy faktory ol jeke bastyń qol bosamaýshylyǵy men eldiń ońtústik óńirlerindegi jastary arasyndaǵy jumyssyzdyq. «Tájirıbe kórsetkendeı, jastar etnıkaaralyq qaqtyǵystardyń negizgi qozǵaýshy kúshi bolyp tabylady. Olar etnomobılızasıalaýshy urandarǵa sezimtal keledi, sonymen qatar, belsendi zorlyq áreketterine ońaı barady», - dedi sarapshy.
ÁESI ókili usynys retinde memlekettik organdar men Qazaqstan halqy Assambleıasynyń bul baǵyttaǵy jumysynyń baǵytyn ulǵaıtyp, sondaı-aq, mádenı ıntegrasıa men túrli etnıkalyq qaýymdastyqtardyń ózara yqpaldastyǵyna jaǵdaı jasaýdy meılinshe arttyrý kerektigin aıtty.
