Qyrǵyzstannyń Premer-mınıstri Sapar Isakov óziniń Facebook paraqshasynda QR Premer-mınıstri Baqytjan Saǵyntaevpen túsken sýretin jarıalady, dep jazady Qamshy.kz aqparat agenttigi.
«18-shi qazanda Astana qalasyna jasalǵan is-saparymda Qazaqstan Respýblıkasynyń Premer-mınıstri Baqytjan Saǵyntaevpen kezdestik. Kezdesý barysynda ekijaqty ekonomıkalyq qatynastardyń problemalyq máseleleri qaraldy. Eki eldiń shekara, kólik, fıtosanıtarlyq jáne veterınarlyq baqylaý salalaryna qatysty máseleler jáne EAEO men DSU erejeleri men normalaryna sáıkes keden jáne salyq ákimshiliktendirýine qatysty problemalyq máseleler talqylandy» dep jazdy Sapar Isakov.
Qyrǵyzstan Premer-mınıstri 2017 jyldyń 19-shy qazany saǵat 00:00-den bastap eki eldiń shekaralarynan ótýde basym baǵyttardyń tártibi qamtamasyz etiletindigi jóninde kelimge kelgenderin aıtyp ótti.
Aıta ketsek, Baqytjan Saǵyntaev Qyrǵyzstan Premer-mınıstri Sapar Isakov bastap kelgen quramynda 30-ǵa jýyq ókiletti múshesi bar resmı delegasıamen kezdesken bolatyn.
QR Premer-mınıstri qyrǵyz delegasıamen kezdesýden keıin málimdeme jasaǵany habarlandy.
