Qazaqstannyń energetıka vıse-mınıstri Baqytjan Jaqsalıev elde benzın qanshalyqty qymbattaýy múmkin ekenin aıtty, - dep habarlaıdy Qamshy.kz aqparat agenttigi tengrinews.kz-ke silteme jasap. "Qazirgi ýaqytta benzınniń belgili bir deńgeıde qymbattap jatqany belgili.  AI-92 161 teńge deńgeıinde bolady dep oılap otyrmyz. Benzın jetkizýdegi daǵdarys qubylystarynyń tómendeýimen usynystar kóbeıip, baǵa túsýi kerek", - dedi ol senat otyrysynda.

Osyǵan deıin QR energetıka mınıstri Qanat Bozymbaev AI-92 benzıni qashan arzandaıtynyn aıtqan bolatyn. "Biz qazan aıynyń sońynda jáne qarasha aıynyń basynda benzınniń ortasha baǵasy lıtrine 160-161 teńge bolady dep eseptep otyrmyz. Iá, bul qymbat. Biraz biz onsyz Reseı Federasıasynan benzın jetkize almaımyz.  Qarasha aıynda naryqta reseılik benzın azaıyp, Pavlodarda munaı óndiretin zaýyttar ashylatyn bolady. Al qarasha aıynyń ekinshi jartysynda baǵa 161-162 teńgeden tómendeýi múmkin", - degen edi energetıka mınıstri.