Tústi baqylaýda ustaý úshin ǵalymdar myna sózderdi qaıtalaý kerektigin eskertedi: «kelesi joly ýıyqtaǵanda, men tús kórip jatqandyǵymdy esimde ustaımyn».

Uıqydan lázzat alǵyńyz kelse, ony shynaıylyqqa aınaldyrýdyń úsh tehnıkasy bar ekendigin bile júrińiz,- dep Qamshy.kz aqparat agenttigi The Independent basylymyna súıene  jazady. 

Ǵalymdar jasaǵan jańa zertteýge súıensek, uıyqtap jatqan adam óziniń tús kórip jatqandyǵynan habardar bolsa, onda bolyp jatqan oqıǵalardyń jelisin ózi baqylaýda ustaı alady.

Sergek uıyqtap, kóz aldyńyzda bolyp jatqan tústi baqylap jatý úshin, kúndelikti qaıtalanatyn áreketke ǵalymdar usynǵan tehnıkalardy qoldanǵan abzal.

Adelaıda JOO-ń zertteýshileri bir ǵana emes úsh birdeı tehnıkany qaıtalaǵanda baqylaýda ustaýǵa bolatyn túster kórýge bolatyndyǵyn aıtty.

Birinshi ádis: bul tehnıka óte ońaı, kúndizgi ýaqytta aınalańyzǵa qarap uıqyda jatqandaı sezinińiz. Sonda siz ózińizdi ashyq ustap, tús kórip jatqandaı bolasyz. Al shynymen tósekke jatqanda bul ádis uıqyny da baqylaýda ustaýǵa kómektesedi.

Ekinshi ádis: birinshi ádiske qaraǵanda, ekinshisinde biraz josparlaý kerek. Denholm Espı atty zerrteýshi bes saǵat uıyqtap, qaıta oıanyp, azdap oıaý bolǵannan keıin qaıta uıqyǵa jatý kerektigin usynady. Bul uıqynyń óte belsendi túri, jumýly kózder qımyldap, júrek tez soǵyp, uıqyny baqylaýda ustaısyz.

Úshinshi ádis: Joǵaryda atalǵandaı, bes saǵattan keıin uıqydan oıanǵannan soń «kelesi joly uıyqtaǵanda, men tús kórip jatqandyǵymdy esimde ustaımyn» dep qaıtalap, baqylaýda ustaı alatyn uıqyda ekendigińizdi elestetińiz.