Áleýmettik jelide saýdıalyq ýaǵyzshynyń pikiri qyzý talqylanyp jatyr, — dep jazady Qamshy.kz aqparat agenttigi sheteldik BAQ-qa silteme jasaı otyryp. Saýdıalyq dinı qyzmetker Ahmed Bın Saada ál-Qarnı zorlyq-zombylyqtan japa shekken áıelder sol kúıge dýshar bolǵanyna ózderi kináli ekenin aıtqan.

Onyń oıynsha áıelder ózderi kúndiz de, túnde de kóshege sándenip shyǵyp, erkekterdiń kózine kórinýge tyrysady.

«Kóshedegi sándengen, átir sebingen áıelderge aram pıǵyldy erkekterdiń kózi túsip, óziniń aram pıǵylyn júzege asyrady. Eger áıelder etek jeńin jınap júrse olar zorlyqtyń qurbany bolmas edi», — dep óz oıyn ashyq aıtty saýdıalyq ýaǵyzshy.

Sonymen birge ál-Karnı áleýmettik jelide keńinen tanymal bolǵan vıdeo týraly da óz pikirin bildirdi. Álgi vıdeoda ashyq-shashyq kıingen saýdıalyq áıel jolda ózi tanymaıtyn  erkektiń kóligine emin-erkin mingen. Bul saýdıalyqtar úshin ersi jáne kóp kezdespeıtin oqıǵa ekenin eske salamyz.

«Álgi vıdeodaǵy áıeldi kórińizshi. Ol joldan beıtanys kólikti toqtatyp, oǵan mindi. Áıelder zorlyqtyń qurbany bolǵanyna ózderi kináli. Eger álgi qyzdy sol erkek zorlap ketse, ol óziniń ar-namysy úshin jylap úıge barady. Alaıda osy oqıǵanyń bolǵanyna ózi sebepker bolǵanyn oılamaıdy», — dep pikir bildirdi ál-Karnı.

Bul pikirdi qoldaýshylar da, jattaýshylar da bar.