Reseı Prezıdenti Reseı men Qazaqstan arasyndaǵy saıası dıalogtyń qarqyndy damýyn, onyń ishinde saýda-ekonomıkalyq, ǵylymı-tehnıkalyq, mádenı, gýmanıtarlyq jáne basqa da salalardaǵy jetistikterdi erekshe atap ótti, — dep habarlaıdy Qamshy.kz aqparat agenttigi kremlin.ru saıtyna silteme jasaı otyryp.
RF Prezıdenti Vladımır Pýtın eki el arasyndaǵy dıplomatıalyq qarym-qatynastyń 25 jyldyǵymen quttyqtap, Nursultan Nazarbaevtyń atyna jedel hat joldady.
«Qurmetti Nursultan Ábishuly, bizdiń elderdiń arasyndaǵy dıplomatıalyq qarym-qatynastyń 25 jyldyq mereıtoıymen shyn júrekten quttyqtaımyn. Shırek ǵasyr aralyǵynda Reseı men Qazaqstan halqynyń dostyǵy men syılastyǵynyń arqasynda eki el arasynda strategıalyq seriktestikti, odaqtastyqty joǵarǵy deńgeıge jetkizdik», — delingen habarlamada.
Sonymen birge Reseı prezıdenti Nursultan Nazarbaevqa zor densaýlyq pen tabys tiledi.
