Almaty ákimi Baýyrjan Baıbek jumys saparynyń aıasynda qalalyq aryq jelisiniń qurylysy men rekonstrýksıalaný barysyn tekserdi, dep habarlaıdy.

Jumys sapary aıasynda Almaty ákimine Alataý aýdanynyń Alǵabas shaǵyn aýdanynda sýaǵar jelisi men sý burý júıesin salý boıynsha atqarylǵan jumystar týraly aqparat berildi.

Aýdanda shamamen 7 shaqyrym bolatyn aryq jıekterin salý jumystary aıaqtaldy.

«Teploenergetıka» jáne «Energostroıtel» saıajaı massıvterinen ótetin Qarǵaly ózeniniń boıynda jóndeý jumystary jalǵasyp jatyr.

Ózen boıynyń 1300 metri temirbetonmen kúsheıtiledi. Ózen arnasyn mehanıkalyq tazalaý boıynsha jumystar aıaqtaldy.

Sondaı-aq, Almaty qalasynyń ákimi Naýryzbaı aýdanyndaǵy Nadyrov, Tájıev, Kúlbekov jáne Slanov kóshelerindegi 4 shaqyrymdyq aryq jelileriniń qurylysymen de tanysty. Onda joldardy asfálttaýǵa daıyndyq jumystary júrgizilýde.

Bostandyq aýdany Baǵanashyl shaǵyn aýdany jáne Medeý aýdanynyń Taır kóshesi boıynsha, Jetisý aýdanynyń «Malaıa almatınka» ózeni boıynan Volochaevskaıa kóshesi boıyndaǵy qorshaýdy kúsheıtý boıynsha qurylys jumystarynyń barysy tekserildi.

Bul ýchaskelerde gabıondy konstrýksıalardan jasalǵan qorǵanys qabyrǵalary ornatylyp, jer asty jumystary júrip jatyr.

Jetisý aýdanyndaǵy bókter 345 metrge sozylyp jatyr. Quzdyń bıiktigi 7 metrge deıin jetedi. Qazirgi ýaqytta barlyq jóndeý jumystary aıaqtaldy.

Medeý aýdanynda kólbeý bókterlerdiń uzyndyǵy 470 metrge jetedi. Qazirgi tańda ýchaskede metaldy qorshaýlardy, beton bloktardy, aǵashtan istelgen sharýashylyq qora-jaılardy demontaj jasaý jumystary ótkizilýde.

Bul jumystar jospar boıynsha osy jyldyń qarasha aıynda aıaqtalmaq. Tek jer asty sýlarynyń paıda bolýynan jumystar uzaq ýaqytqa sozylyp ketýi múmkin ekendigi aıtylýda.