Parlament Senatynyń Tóraǵasy Qasym-Jomart Toqaev Qazaqstanǵa alǵash ret kelgen EYDU Bas hatshysy Anhel Gýrrıamen kezdesti. Bul týraly Qamshy.kz aqparat agenttigi QR Parlamenti Senatynyń baspasóz qyzmetine súıene otyryp jazady. 

Senat basshysy Qazaqstan halyqaralyq arenadaǵy bizdiń elimizdiń mańyzdy áriptesi bolyp tabylatyn EYDU-men yntymaqtastyqqa úlken mán beretinin atap ótti. «EYDU elderi Qazaqstan úshin úlgi tutatyn baǵdar bolyp tabylady», - dedi Q.Toqaev.

Taraptar EYDU-nyń Qazaqstanmen yntymaqtastyq jónindegi eldik baǵdarlamasynyń júzege asýyn talqylaı kelip, onyń ónimdiligi men ózektiligin atap ótti. EYDU-nyń Qazaqstanǵa arnalǵan eldik baǵdarlamasy ınklúzıvti jáne turaqty ekonomıkalyq ósýge, shaǵyn jáne orta bıznesti damytýǵa, halyqtyń osal toptaryna qoldaý kórsetýge, sondaı-aq genderlik máselelerdi sheshýge jaǵdaı jasaýǵa baǵyttalǵan.

Eldiń baǵdarlamanyń úshten biri áleýmettik máselelerge arnalǵan. A.Gýrrıa Qazaqstanda júrgizilip jatqan reformalarǵa joǵary baǵa berdi jáne EYDU-nyń elimizge qajetti konsýltatıvtik kómek kórsetýge daıyn ekenin atap ótti. EYDU Bas hatshysy Qazaqstanda Eýrazıa aptalyǵyn ótkizýge qoldaý bildirgeni úshin alǵysyn bildirdi, sondaı-aq Uıymnyń parlamenttik jelisi aıasynda yntymaqtastyqty damytýdy usyndy.

EYDU basshysy Senat Tóraǵasyn Uıymnyń parlamenttik sharalaryna qatysýǵa shaqyrdy. Kezdesý sońynda Q.Toqaev Qazaqstan EYDU-ǵa múshe elderdiń tájirıbesin barynsha paıdalanýǵa jáne eldiń turaqty damýyn qamtamasyz etý úshin keleshekte Uıymnyń saraptamalyq áleýetin paıdalanýǵa nıetti ekenin atap ótti.