Shymkent polısıalary qoqys óńdeýshi zaýyttan óli kúıinde tabylǵan jańa týǵan náresteniń anasyna izdeý jarıalady. Sotqa deıingi tergeý júrgizilýde  dep habarlaıdy Qamshy.kz aqparat agenttigi otyrar.kz-ke silteme jasaı otyryp.

"Bul derek Shymkenttegi ishki ister basqarmasy Abaı bólimshesine sotqa deıingi tergeýdiń biryńǵaı reestrine QR QK 100 baby "Jańa týǵan sábıdi anasynyń óltirýi" boıynsha tirkeldi. Birneshe saraptama taǵaıyndaldy. Sotqa deıingi tergeý júrgizilýde", - dedi polısıa. 

Qazir quqyq qorǵaý organdarynyń qyzmetkerleri oqıǵanyń mán-jaıyn anyqtaýda. Kúdikti áıeldi izdestirý maqsatynda Abaı polısıa bóliminiń barlyq jeke quramy jumyldyrylýda.

Shymkent qalasynyń polıseıleri azamattardan jas náresteniń anasyn tabýǵa kómektesip, osy jóninde qandaı da bir aqparat bilip jatsa, «102» telefonyna habarlasýdy suraıdy

Esterińizge salaıyq, 20 qazanda paketke oralǵan jańa týǵan náresteniń denesin Shymkenttegi qoqys óńdeýshi zaýyttyń jumysshylary taýyp alǵan bolatyn.