Búgin Almaty qalasynda «Meniń eń alǵashqy jumys ornym» atty joba óz máresine jetti, dep habarlaıdy Qamshy.kz aqparat agenttigi.
Elite kadr holdıńi tórt jyl qatarynan «Jyldyń eń úzdik stýdentteri» baıqaýymen usynylǵan «Meniń alǵashqy jumys ornym» atty jobasyn ótkizdi. 20 jyl ishinde kompanıa jumyspen qamtý salasynda úlken tájirıbe jınaqtaǵan. Holdıń basshylyǵynyń aıtýynsha, jınaqtalǵan bilimdi qoldanýǵa, mansapqa jetýde jastardyń saýattylyǵyn artyrýǵa, ár jasqa qyzyqty da bolashaǵy bar jumysty alýǵa birdeı múmkindik berýge barynsha kúsh jumyldyrmaq nıette eken.
Úlken tanymaldylyq arqasynda baıqaý 2017 jyly respýblıkalyq deńgeıge shyǵyp, qatysýshylardyń sany 2000 adamǵa deıin jetken. Kompanıa basshylary men qoǵam qaıratkerleri sarapshylar bolyp, baıqaýǵa qatysýshylardyń jumystaryn baǵalap, júldeli orynǵa ıe bolýshylardy anyqtaǵan.
Qatań jáne obektıvti baǵalar arqasynda aqtyq márege jastardyń eń úzdikteri shyqqan. Áleýmettik, qoǵamdyq qyzmette jáne oqýda úzdik kórsetkishter kórsetkenderi, sonymen qatar, Qazaqstan Respýblıkasynyń jastar qozǵalysyna eńbek sińirgen eńbekteri úshin baıqaýdyń jeńimpazdary bolyp quqyly túrde Qazaqstan Respýblıkasynyń maqtanyshy men ıgiligi bolyp sanalatyn 127 stýdent ataldy.
«Meniń eń alǵashqy jumys ornym» atty joba jeńimpazdarynyń biri Ál-Farabı atyndaǵy QazUÝ-dyń Mehanıka jáne matematıka fakúltetindegi matematıka mamandyǵynyń 3-shi kýrs stýdenti Álimbek Álıma Edilqyzy atalmysh jobanyń búgingi tańda jastarǵa kóptegen múmkinshilikter berip, stýdentterdi qoldaýǵa baǵyttalǵan birden-bir joba dep atady.
«Bul baıqaýǵa ekinshi kýrsty bitirýge taıap qalǵan kezde qatysqan bolatynmyn. Baıqaýdyń sharttary boıynsha árbir stýdent bastapqyda saýalnamany toltyrǵannan keıin, fınalǵa ótedi. Fınalda usynylǵan alty taqyryptardyń birine esse jazyp ótkizýi tıis. Meniń tańdaǵan taqyrybym – «Sizdiń mamandyǵyńyz». Bul taqyrypta jazylǵan essede ózińniń tańdaǵan mamandyǵyńdy, ony ne úshin tańdady jáne onyń bolashaqta jumysqa ornalasýǵa tıgizer septigi jaıynda aıtyp ótý qajet. Bul taqyrypty tańdaǵan sebebim – meniń mamandyǵym erekshe bolyp tabylady, sondyqtan da bul mamandyq jaıynda jazylǵan esse ózgelerge qyzyqty bolatyndyǵyna sendim. Kóptegen talapkerler bul mamandyqty tańdaı bermeıdi, óıtkeni qıyn, alaıda mamandyǵym ózime unaıdy», - deıdi baıqaý jeńimpazy.
Álıma Edilqyzy óziniń essesin aǵylshyn tilinde jazyp tapsyrǵan, onyń baıqaýda jeńiske jetýine birden-bir septigin tıgizgendigi de sodan bolar.
«Men ózimniń essemdi aǵylshyn tilinde jazyp ótkizdim. Ony shetel ýnıversıtetteriniń muǵalimderi jáne de ózimizdiń jumys berýshiler men sarapshylar teksergen bolatyn. Esseni jazyp ótkizgennen soń, onyń ózindik talaptary bar, sol boıynsha ony 125 baldyq shkala boıynsha baǵalaıdy. Sonyń ishinde meniń jazǵan essem 120 bal kóleminde jınaǵan», - deıdi Álıma Edilqyzy.
Aıta keter bolsaq, «Meniń eń alǵashqy jumys ornym» jobasy kóptegen ataqty ulttyq jáne halyqaralyq kompanıalardan qoldaý taýyp, bıyl tórtinshi ret ótkizilýde. Jobaǵa atsalysqan sarapshylardyń arasynda Respýblıkamyzdyń azamattary ǵana emes, ózge memlekettiń de ókilderi, álemge belgili aldyńǵy qatarly JOO-nyń oqytýshylary da bar.
Qazaqstanda bitirýshiler men jas mamandarǵa jumys, tájirıbe men taǵylymdamany tańdaýǵa múmkindik beretin resýrstardy www.youngstaff.kz saıtynan kórýge bolady. Búginde atalmysh saıtty paıdalanýshylardyń sany kún sanap artýda, al ataqty neupusti.net aqparattyq portalymen jasalǵan seriktestik arqasynda jas mamandardyń kópshiligi ózderine jumys izdep taba alady.
