Amerıkalyq bılik AQSH-tyń 35-prezıdenti Djon Kennedıdiń ólimine qatysty jańa derekterdi jarıalady. Bul týraly Qamshy.kz aqparat agenttigi Lenta.rý-ǵa silteme berip habarlaıdy.
1992 jyly AQSH Kongresi bul málimetter 2017 jyldyń 26 qazanynan keshikpeı halyqqa jarıa etilýi tıis dep bekitken. Osyǵan qaramastan 300-den asa qujat halyq nazarynan tys qalyp, jarıalanbaıtyn boldy dep sheshildi. Onyń sebebin Tramp federaldy agenttiter men vedomstvalardyń suraýy boıynsha ekenin aıtty. «Bul ótinish pen suraýlardy qanaǵattandyrýdan basqa amalym joq bolyp otyr, sebebi ol bizdiń ultymyzdyń qaýipsizdigi úshin mańyzdy»-dedi Tramp.
Djon Kennedıdi óltirgen Lı Harvı Osvald belgili bolǵan derekterge sáıkes, prezıdentke qastandyq jasamas buryn Meksıka astanasyna baryp kelgen. Osy sapary barysynda onyń KSRO men Kýba elshiliktermen baılanysta bolǵany anyqtalǵan. Sonymen birge, ol Kennedıdi óltirgisi keletinin ashyq aıtyp júrgen.
L.H Osvald
Osvaldtyń Kýba lıderi Fıdel Kastroǵa qastandyq jasamaqshy bolǵany týraly málimetterdi SRÝ jasyryn ustaǵan. Osyǵan qaraǵanda, kýbalyqtar Kennedıdi óltirtýge sebep bolǵan. Resmı málimetter Kennedıdiń ólimine bir ǵana qylmysker kináli ekenin aıtyp otyr. Tergeý málimetteri boıynsha, Lı Harvı Osvald snaıperlik myltyqpen Kennedıdi Dallasqa saparǵa ketip bara jatqan jolda 1963 jyldyń 22 qarashasynda atyp óltirgen. Amerıkalyqtardyń 60 paıyzy áli de Kennedıdiń ólimine Osvaldtiń kináli emes ekenin, prezıdentke qarsy bireýler astyrtyn sóz baılasyp qastandyq uıymdastyrǵanyn aıtady.
Taǵy bir pikirler boıynsha, Kennedıdi vıse-prezıdent Lındon Djonson óltirýi múmkin edi. Kennedı sol kezde Vetnam terıtorıasyndaǵy AQSH áskerin shyǵarmaqshy bolǵan. Alaıda, mundaı áreket munaı kompanıalaryna kesirin tıgizýi múmkin edi. Djonson prezıdenttiń bul ıdeıasyna qarsy bolǵan. Djonsonnyń prezıdenttike kelgenine nebári tórt kún ótkende vetnamdyq teatrdaǵy amerıkalyq soldattardyń belsendiligi kúrt ósken.
Kenedı ólimine massondar kináli bolýy da múmkin degen pikirler bar. Arnaıy qupıa qyzmetteri men FBR, SRÝ sıaqty uıymdardyń da qatysy bar bolýy ábden múmkin.
AQSH-tyń Ulttyq arhıvi saıtynda 2891 qujat jarıalanǵan. Bulardyń barlyǵy prezıdent Djon Kennedıdiń ólimine baılanysty derekter. Alaıda bul derekterdiń barlyǵy Kennedıdiń ólimindegi áldeqashan belgili derekterge tek tolyqtyrýlar ǵana, sensasıalyq aqparattar joq. Desek te, Tramptyń qujattardyń kóp bóligin halyq nazaryna bermeı otyrǵany da áli kóp syrlar men qupıalardyń ashylmaı jatqanyn kórsetetin sıaqty.
