Biz búkil álemdi qolymyzda, qaltamyzda, ámıanymyzda tabylatyn smartfonǵa syıdyryp alǵanbyz. Odan keregimizdi izdep, barymyzdy aqtaryp, jazba qaldyramyz. Sol áleýmettik jelige jarıalaǵan post úshin sottalyp ketetinińizdi bilseńiz de «joldaý» siltemesin basar ma edińiz?
Palestınalyq Darın Tatýr esimdi aqyn áıel 2015 jyly áleýmettik jelige poemasyn jarıalaǵan. Sodan bastap Izraıl sotynyń tergeýinde júr. Onyń jazǵan poemasynda terorızmge shaqyratyn joldar bar ekendigi anyqtalǵan. Bul týraly Qamshy.kz aqparat agenttigi Reuters-ke súıene otyryp jazady.
2015 jyldyń 11 qazanynda polısıa qyzmetkerleri Nazaret qalasyna jaqyn mańdaǵy úıge kelip, qoǵam belsendisi jáne aqyn Darın Tatýrdy alyp ketti. Onyń jazyǵy «Qarsylas, halqym, qarsylas» atty óleńin jelige jarıalaǵany. Bastapqyda, onyń poemasy qoǵamdaǵy zorlyq-zombylyqty kúsheıtedi dep aıyptalsa, bir aıdan soń «terorıstik uıymdy qoldaý úshin jazylǵan» dep tanyldy. Ol 400-den astam palestınalyq áleýmettik medıa-posttary úshin qamaýǵa alyndy.
Óleń mazmunynda «Palestına men Izraıl arasyndaǵy sońǵy qaqtyǵys týraly joldar bar bolǵanymen, kádimgi oqyp júrgen týyndylardan esh aıyrmashylyǵy joq» dep jazdy batys basylymdary.
Izraıl men Palestına arasynda jalǵasyp kele jatqan qaqtyǵys qanshalyqty qıyn bolsa da, áleýmettik jelide jazǵan jazbasy úshin sottalyp jatqan jaǵdaı alǵash ret oryn alyp otyr.
Watch: A Palestinian poet is in court in Israel on charges that her writings inspire terrorism. Via: @ReutersTV pic.twitter.com/UuBbzUC0Ao
— Reuters Top News (@Reuters) October 27, 2017
Darın áli kúnge deıin polısıa baqylaýy astynda, onyń soty áli úsh aıǵa sozylmaq. Eger sottalsa 8 jyl bas bostandyǵynan aıyrylǵaly tur. Tómende Darın Tatýr poemasynyń qazaqsha nusqasy berildi:
Qarsylas, halqym, qarsylas
Ierýsalımde, jaramdy kıip, qasiretimmen dem aldym
Arab Palestınasy úshin.
Janymdy alaqanda ustadym
Men «beıbit sheshimge» qarsy emespin
Meniń týym eshqashan tómen túsirilmeıdi
Olar meniń jerimnen shyqsyn
Olardy jaqyn arada shyǵaryp tastaımyz.
Qarsylas, halqym, qarsylas
Qarsylastyń tonaýyna qarsy tur
Sheıit kerýenderin ustanyńyz.
Uıatsyzdar konstıtýsıany da buzdy
Tozdyratyn jáne qorlaıtyn
Ádilettilikti qalpyna keltirýden bizdi qorqytty.
Olar kinásiz balalardy órtedi;
Hadılge keler bolsaq,
Kúndizgi ýaqytta ony óltirdi.
Qarsylas, halqym, qarsylas
Kolonızatordyń shabýylyna qarsy tur.
Aramyzdaǵy satqyndarǵa aqyl bermeńder
Bizdi beıbit elesimen baılanystyratyn kim.
Kúmándi tilderden qoryqpa;
Júregińdegi shyndyq kúshti,
Qarsylas halqym, qarsylas...
(Poema aǵylshyn tilinen aýdaryldy)
