2017 jyly 27 qazanda Almaty qalasy qoǵamdyq densaýlyq saqtaý departamenti basshysy bıznes-qoǵamdastyqtarmen, salalyq asosıasıalarmen, «Atameken» ulttyq kásipkerler palatasy densaýlyq saqtaý sektory, jergilikti atqarýshy organdar jáne «Nur otan» partıasy ókilderimen kezdesý ótkizdi, dep habarlaıdy Qamshy.kz aqparat agenttiginiń tilshisi. Pres-konferensıa barysynda sanıtarlyq-epıdemıologıalyq salasyndaǵy bızneske qoıylatyn kedergilerdi azaıtý jáne medısınalyq qyzmet sapasyn kórsetý máseleleri qaraldy.
Almaty qalasy Qoǵamdyq densaýlyq saqtaý departamentiniń basshysy Moldaǵasymova A.B. búgingi tańdaǵy medısınalyq qyzmet kórsetýdiń sapasyna, jetistikteri men kemshilikterine toqtalyp ótti.
Moldaǵasymovanyń aıtýynsha, 6 sanıtarlyq ereje qaralyp, sanıtarlyq-epıdemıologıalyq talaptar ońtaılandyryldy. Sondaı-aq 29-ǵa jýyq eskirgen ári qaıtalama sanıtarlyq erejeler alynyp tastaldy.
Budan ózge, táýekelge negizdelgen qadaǵalaý úlgisin engizý arqyly táýekel dárejesin baǵalaý krıterııleri ázirlenip, bekitildi. Birneshe siltemelik normanyń ornyna 41 tekserilgen paraq ázirlenip, bekitildi.
«Tekserilgen paraqtardan sanıtarlyq talaptar qysqartyldy. Baqylanatyn obektilerdiń tizimi qaıta qaraldy. Densaýlyq saqtaý jáne bilim berý mekemelerine qoldanylatyn qurylystyq kodekster men erejeler qaıta qaraldy jáne belgili bir dárejede jetildirildi», - dedi Almaty qalasy Qoǵamdyq densaýlyq saqtaý departamentiniń basshysy.
Sondaı-aq Almaty qalasy qoǵamdyq densaýlyq saqtaý departamentiniń basshysy Aızat Moldaǵasymova qoǵamdyq tamaqtandyrý obektileriniń qyzmetin toqtatý úshin Qoǵamdyq densaýlyq saqtaý departamentiniń ókilettiligi joq ekenin málim etti.
«Óndiristik dúkender, kafeler jáne t.b. qyzmet oryndaryn toqtatý úshin sot sheshimderin eshkim jáne eshteńe qamtamasyz etpeıdi. Kásiporyndar jumysyn jalǵastyrady, sot oryndaýshylary jetkilikti túrde belsendi áreket etpeıdi», - dedi Moldaǵasymova.
Osyǵan qatysty birneshe mysaldar keltirip ótti.
«Turǵyn úıdiń astyńǵy qabatynda nan sehi jumys istegen, turǵyndardan aryz tústi. Bizdiń tekserisimizden soń sot otyrysy boldy, qyzmetti toqtatý jóninde sheshim qabyldandy. Alaıda seh óz jumysyn jalǵastyryp jatyr. Kafeniń óniminen 29 adam ýlandy, Sot sheshimi boıynsha qyzmet toqtaýy tıis edi, alaıda kásiporyn ózge JK atymen tirkelip, 50 adamnan 200 adamǵa deıin orny bar úlken kásiporynǵa aınaldy».
Sonymen qatar sanıtarlyq-epıdemıologıalyq salasy aıasynda kásipke arnalǵan barerlerdi qysqartý barysynda reforma ákimshiligi birqatar erejeler men normalardyń sanynyń qysqarýyna ákelip soǵady. Tekserý qaǵazdaryndaǵy oryndardyń sany 11 myńnan 1704ke deıin qysqardy. 6 sanıtarlyq ereje qaralyp, 29-y eskirgen. Nátıjesinde Almatyda 206 sulýlyq salony, 141 em-profılaktıkalyq mekeme, 3 laboratorıa, 5 bazar, 154 saýda kásiporyndary men 58 oqý obektisi tekserilmeıtin boldy.
Osyny eskergen qoǵamdyq densaýlyq saqtaý departamentiniń basshysy kásiporyn ıelerine sanıtarlyq talaptar men turǵyndardyń densaýlyǵyna jaýapkershilikpen qaraýyn surady.
«Baqylaý barysynda ondaı obektilerdiń 400-i anyqtaldy. Olar tek ózderin oılaıdy. Bárine jaýapkershilikti arttyrý qajet ekenin eskertemin», - dedi Aızat Moldaǵasymova óz sózinde.
Kezdesý qorytyndysynda «Almaty qalasy qoǵamdyq densaýlyq saqtaý departamenti» RMK jáne Almaty qalasy ulttyq kásipkerlik palatasynyń densaýlyq saqtaý sektory arasynda turǵyndarǵa kórsetiletin qyzmet sapasyn arttyrý barysynda ózara yntymaqtastyq, sanıtarlyq-epıdemıologıalyq salaýattylyq jáne qoǵamdyq densaýlyq saqtaý salasyndaǵy quqyqtyq bazany jetildirý boıynsha Memorandýmǵa qol qoıyldy.
