Atmosferalyq frontaldy aǵymdardyń ótýine baılanysty senbi kúni respýblıkanyń batysynda qar jaýýy múmkin. Qar sonymen qatar eldiń soltústiginde, ortalyǵynda jáne shyǵysynda jaýady. Respýblıka boıynsha jel kúsheıip, tuman túsip, boran soǵady jáne kóktaıǵaq bolady, dep habarlaıdy Qamshy.kz aqparat agenttigi «Qazgıdrometke»  silteme jasaı otyryp.

Shyǵys Qazaqstan, Aqtóbe oblystarynyń birqatar aımaqtarynda boran soǵyp, tuman túsip, kóktaıǵaq bolady jáne jeldiń jyldamdyǵy sekýndyna 15-20 metrge, ekpini 25 metrge jetedi.

Ońtústik Qazaqstan, Qyzylorda oblystarynda jeldiń jyldamdyǵy sekýndyna 15-20 metr bolady. Atyraý men  Jambyl oblystarynyń keı jerlerinde tuman túsip, jel 15-20 metr/sekýndqa deıin kúsheıedi.

Mańǵystaý oblysynyń keı jerlerinde jeldiń jyldamdyǵy sekýndyna 15-20 mınýt bolady. Soltústik Qazaqstan oblysynda túnde keı jerlerde boran soǵyp, kóktaıǵaq bolyp, jeldiń jyldamdyǵy sekýndyna 15-20 metrge jetedi.

Batys Qazaqstan oblysynyń birqatar aımaqtarynda kóktaıǵaq bolyp, kúndiz jel sekýndyna 15-20 metrge deıin júıtkıdi.

Aqmola oblysynda túnde keı jerlerde boran soǵyp, jeldiń jyldamdyǵy sekýndyna 15-20 metr bolady.

Qaraǵandy oblysynyń birqatar aımaqtarynda boran soǵyp, túnde jeldiń jyldamdyǵy sekýndyna 15-20 metrge jetedi, tań ata túman túsedi.

Pavlodar oblysynda túnde jeldiń ekpini 15-20 m/s bolady. Qostanaı oblysynyń keı jerlerinde tuman túsedi.