RF SİM Máskeý Memlekettik Halyqaralyq qatynastar ınstıtýtynda (Ýnıversıtetinde) Reseıdegi Qazaqstan Elshiliginiń muryndyq bolýymen "Qazaqstan – Reseı: dıplomatıalyq qarym-qatynastyń 25 jyldyǵy" atty halyqaralyq ǵylymı-tájirıbelik konferensıa uıymdastyryldy, dep jazady Qamshy.kz aqparat agenttigi QazAqparatqa silteme bere otyryp jazady.
Jıyndy bastaǵan Qazaqstannyń Reseıdegi Tótenshe jáne ókiletti elshisi Imanǵalı Tasmaǵambetov eki memlekettiń baılanysy tereńde jatqanyn, osy ýaqyt aralyǵynda berik rýhanı negiz qalyptasyp úlgergenin, shırek ǵasyr aralyǵynda Qazaqstan men Reseı arasynda 300-ge tarta mańyzy joǵary, seriktestikti nyǵaıtatyn ekijaqty kelisim jasalǵanyn erekshe atap ótti.
"Ekijaqty baılanystyń ornaýy eki eldiń máseleni sheshýde qoldanatyn áreket amaldaryna baılanysty. Ózge elderde oń sheshimin tappaǵan túıtkildi másele Qazaqstan men Reseı arasynda bolǵan emes", – dedi jıyn barysynda Imanǵalı Tasmaǵambetov. Osy rette elshi myrza «týysy jaqyn jaqyn emes, qonysy jaqyn jaqyn»", – degen maqaldy tilge tıek etti.
Óz kezeginde sóz alǵan MMHQI Rektory Anatolıı Torkýnov Reseı men Qazaqstan buryńǵy keńes memleketteri arasynda qaýqaryn myqtaǵan memleketter ekenin aıta kele, táýelsizdik alǵaly beri eń jaqyn seriktes bolǵanyna da erekshe toqtaldy.
"Bizdiń memleketter 25 jyl aralyǵynda halyqaralyq deńgeıde tyǵyz qarym-qatynas ornatty. Sondaı-aq Qazaqstan osy jyldar aralyǵynda syrtqy saıasattyń negizgi quraly retinde dıplomatıalyq qyzmetti jaqsylap jasaqtaı aldy. Sonyń aıqyn dáleli retinde Qazaqstannyń halyqaralyq deńgeıde bedeli joǵary BUU Qaýipsizdik keńesinde turaqty emes ókili retinde saılanýyn aıtýǵa bolady", – dedi Anatolıı Torkýnov.
RF Syrtqy İster Mınıstriniń orynbasary Grıgorıı Karasın Imanǵalı Tasmaǵambetovtyń sózimen kelise otyra, qos memleket arasynda qandaı da másele bolmasyn eki jaqty, kópjaqty kelissózder arqyly sheshilip júrgenin erekshe atap ótti.
"Qazaqstan men Reseı arasyndaǵy jańasha qarym-qatynastar joq jerden paıda bolǵan joq. Keńes úkimeti ydyraǵan soń táýelsiz memleketter tosynnan shyǵatyn máselelerdi aınalyp ótýge meılinshe tyrysty", – dedi reseı dıplomaty. Onyń paıymdaýynsha, qos el de baılanystyń tereńdeı túsýin qalaıdy. Qazaqstan Prezıdenti Nursultan Nazarbaevtyń bastamasymen qurylǵan TMD, ODKB, BUU, EQYU, SHYU uıymdardyń beldi músheleri.
G.Karasınniń pikirinshe, Qazaqstan men Reseı arasyndaǵy strategıalyq baılanystyń artýy eń aldymen eki el basshylary arasyndaǵy saıası senimdilik pen dástúrli dostyq qarym-qatynasqa negizdelip otyr.
Atalǵan konferensıaǵa qatysqan azamattar Qazaqstan men Reseıdiń yntymaqtastyǵyna jol ashatyn kóptegen faktorlar bar ekenin aıtty. Bul ortaq tarıh, 7 myń km-ge uzaqtyqqa sozylatyn ortaq shekara, ortaq til jáne uqsas dil. Sondyqtan tatý kórshilik pen teń quqyqty yntymaqtastyqtan basqa qandaı da bir ózge saıasat eki memlekettiń túbirli múddelerine qaıshy keledi.
Onyń ústine eki eldiń ózara is-qımylynyń tereń qatparly faktorlary Astana men Máskeýdiń kóptegen kókeıtesti halyqaralyq problemalarǵa kózqarastarynyń jaqyndyǵyn aıqyndaıdy. Munyń ózi ǵalamdyq jáne aımaqtyq qaýipsizdikti qamtamasyz etýge baǵyttalǵan syrtqy saıası ózara is-qımylǵa, bastamalardy eki jaqty qoldaýǵa járdemdesedi. Halyqaralyq sahnadaǵy yntymaqtastyq ózara qarym-qatynastyń sapaly jańa deńgeıine – strategıalyq áriptestik deńgeıine kóterilýge múmkindik beredi, bul degenimiz eki memleket basshylarynyń turaqty baılanystaryn qosa alǵanda, barlyq deńgeılerdegi jan-jaqty baılanystardy bildiredi.
Atalǵan sharaǵa RF Prezıdent ákimshiliginiń ókilderi qos eldiń dıplomattary, beldi sarapshylary men jýrnalıseri qatysty.
