Qazaqstanda latyn grafıkasyna negizdelgen jańa qazaq álipbıi bekitildi. 27 qazan kúni memleket basshysy Nursultan Nazarbaev tıisti jarlyqqa qol qoıǵan. Osyǵan oraı Reseı turǵyndarynyń biri óz narazylyǵyn bildirdi. Ol óz vıdeosynda Qazaqstanǵa qarsy soǵys ashý kerektigin aıtty.
«Qazaqstanda latyn álipbıine kóshý týraly jarlyqqa qol qoıyldy. Bul ne degen sóz? Pýtınniń saıasaty qulady degen − osy. Ýkraınany joǵalttyq, sosyn Grýzıany joǵalttyq. Endi, mine, Qazaqstandy da joǵaltpaqpyz. Qazaqstan basshysy betimizge kúlip qaraǵanymen, artymyzdan neshe-túrlini istep jatyr. Shyndyǵynda, ol halyqty qurǵan biz edik, al olardyń alǵysy osyndaı boldy. Men Almatyda qyzmet etkenmin, 1980 jyldary Almatydaǵy ómir keremet edi, kez-kelgen azyq-túlikke, etke qol jetimdi bolatyn edi. Onyń bári bizdiń arqamyzda boldy. Men Pýtınniń ornynda bolsam, ásker daıyndaıtyn edim. Almaty men Astanaǵa ásker qoıyp, kúshteý arqyly myna saıasatqa toqtaý salatyn edim. Sebebi, ol aımaqqa Reseıdiń áseri mol. Biz sol aımaqtyń qurylýy úshin janymyzdy qıdyq, qanymyzdy tóktik. Al búgin sonyń bárinen aıyrylyp otyrmyz.
— Pulatova Zamyra (@PZamyra) October 30, 2017
Pýtınniń kim ekeni túsinikti, Ýkraınany berdi, Grýzıany bere saldy, Qazaqstannan da aıyryldy. Eger men prezıdent bolsam, Pýtınge aıtar edim: «Pýtın, eger siz shynymen orys ultynan bolsańyz, patrıot bolsańyz, dál qazir ásker bastap, Almatyǵa attanýyńyz kerek! Almatynyń shekara aımaqtary men oqýlary ótetin ár jerge orys áskerin qoıý kerek! Bul saıasatty toqtatý qajet! Bul – naǵyz memlekettik satqyndyq! Al Nazarbaevqa qarsy qylmystyq is qozǵaý kerek! Zańǵa sáıkes, ol ne túrmege otyrý kerek, ne kózi joıylý kerek. Sebebi, bul – orystyń jeri, orystyń aýmaǵy, ol aımaqty qurý úshin biz 200 jylymyzdy sarp ettik, qan tóktik. Endi aıyrylyp qalýǵa bolmaıdy!».
