Alǵashqy respýblıkalyq «Asar» úshjaqty seriktestik forýmyn ótkizý barysynda Qazaqstan Respýblıkasy Din isteri jáne azamattyq qoǵam mınıstrligi men «Atameken» kásipkerlerdiń ulttyq palatasy arasynda seriktestik jónindegi kelisimge qol qoıý rásimi ótti,-dep habarlaıdy Qamshy.kz aqparat agenttigi.
Seriktestiń maqsaty kásipkerlik sýbektileri men olardyń asosıasıalarynyń (odaqtarynyń) komersıalyq emes uıymdarmen ózara sátti is-qımylyn uıymdastyrý salasyndaǵy mindetter men fýnksıalardy iske asyrýda kúshterdi jumyldyrý arqyly Qazaqstan Respýblıkasyndaǵy azamattyq qoǵam ınstıtýttaryn odan ári damytýǵa septigin tıgizý bolyp tabylady.
Seriktestik aqparat almasý, usynymdar joldaý, taldamalyq sholýlar, prezentasıalar, kelisimder, sharttar, hattamalar, qararlar men ózge qujattar jasasý arqyly iske asyrylatyn bolady. Sonymen qatar, jobalar, semınarlar, konferensıalar, dóńgelek ústelder men brıfıńter uıymdastyrý sıaqty ózara is-qımyl túrleri qoldanylýy múmkin.
Seriktestik týraly kelisimge Din isteri jáne azamattyq qoǵam vıse-mınıstri Abzal Núkenov pen «Atameken» KUP basqarma basshysynyń orynbasary Eldar Jumaǵazıev qol qoıdy.
Sondaı-aq, forým aıasynda bıznes-qurylymdar men ÚEU arasynda birlesken áleýmettik jobalardy júzege asyrý úshin jalpny sany 10 memorandýmǵa qol qoıyldy. Qol jetkizilgen kelisimder men memorandýmdar úkimettik emes uıymdardyń jumysyn ońtaılandyrýǵa baǵyttalǵan.
Esterińizge sala keteıik, Atyraý qalasynda eki kúndik respýblıkalyq «Asar» forýmy ótýde. Sharanyń uıymdastyrýshylary - Qazaqstan Respýblıkasy Din isteri jáne azamattyq qoǵam mınıstrligi, Qazaqstan Respýblıkasy «Atameken» kásipkerlerdiń ulttyq palatasy jáne Atyraý oblysynyń ákimdigi. Sondaı-aq, forýmnyń seriktesteri - «Chevron», «Tengizchevroil», «Raimbek Group» JSHS, Qazaqstan jastar kongresi, «Jastar tańdaýy- Atyraý» qoǵamdyq uıymy jáne «Azamattyq bastamalardy qoldaý ortalyǵy» komersıalyq emes uıymy.
