«13 kılometr» derekti fılmi Brazılıada qazannyń 23-i men 29-y aralyǵynda ótken Halyqaralyq «Eńserý» («Preodolenıe») kınofestıvalinde arnaıy júldege ıe boldy. Fılmdi QR Mádenıet jáne sport mınıstrliginiń tapsyrysy boıynsha Sh.Aımanov atyndaǵy «Qazaqfılm» AQ túsirgen. Fılmniń rejıseri – Vladımır Túlkın. Bul týraly Qamshy.kz aqparat agenttigi habarlaıdy. 

Túlkın   Vladımır Vıktorovıch – kınorejısser, aqyn. Táýelsiz «Platınaly Tarlan» syılyǵynyń laýreaty, KSRO kınematografıster odaǵynyń múshesi. 

Jaqynda ǵana Reseıde ótken derekti fılmder festıvalinde arnaıy júldege ıe bolǵan «13 kılometrov» derekti fılmi Serik Bodanbaev esimdi zaǵıp týraly baıandaıdy. Fılmniń keıipkeri óziniń shydamdylyǵy men tabandylyǵynyń arqasynda úlken sharýa qojalyǵynyń ıesi bolyp otyr. 

- Bul fılmde basyna túsken qıyndyqtardy eńserip, dittegen maqsatyna jete bilgen er azamattyń taǵdyry sýretteledi. Bul fılm túrli festıválderge qatysyp, júldeli oryndardan kórinip jatqanyna óte qýanyshtymyn, - dedi fılmniń rejıseri.

Festıváldiń bas júldesi – «Sheteldiń úzdik fılmi» júldesin rejıser Roman Hrýshtyń «Pechorın»  fılmi ıemdendi.  «Eń úzdik akter» atalymy  «Mýs» (rejıseri Djon Hellberg) kartınasynda somdaǵan Stefan Bertolaǵa berildi, al «Úzdik derekti fılm» júldesimen Klavdıa Bershadskaıa túsirgen reseılik «Ushý» fılmi marapattaldy. «Eń úzdik qysqa metrajdy fılm» júldesi «Tynysh bala» fılmine buıyrdy.