Almaty ákimi Baýyrjan Baıbek aýlalardy, qalanyń njenerlik jáne kólik ınfrqurylymyn qaıta jasaý jumystaryn tekserdi jáne №103 baǵyty boıynsha júre bastaǵan «LıAZ» markaly tómen edendi jańa avtobýstardy qarap shyqty, dep habarlaıdy Qamshy.kz aqparat agenttigi Almaty qalasy ákimdiginiń baspasóz qyzmetine silteme jasaı otyryp.
Almaty ákimi Baýyrjan Baıbek jumys sapary barysynda Bostandyq aýdanynyń aýlalaryn abattandyrýdyń barysyn tekserdi. Aýdan ákimi Bekqalı Torǵaev bıylǵy jyly 60 aýlany abattandyrý josparlanǵanyn, aýla ishine asfált, rezınka jáne kespe tastar tóselgenin, oryndyqtar men ýrnalar qoıylǵanyn, jaryqtandyrylǵanyn, sport jáne balalar alańdary jasalǵanyn aıtty.
Megapolıs ákimi balalardyń boıyna salaýatty ómir saltynyń aýlalardan qalyptasatyndyǵyn, sondyqtan jaryǵy bar sport alańdary bolýy tıis ekendigin atap ótti.Abattandyrylǵan aýlalar turǵyndardy toptastyra túsedi.
Almatyda bıylǵy jyly segiz aýdanda 472 jańa aýla alańdary jasaldy. Qurylys jumystaryna sertıfıkattalǵan jáne qaýipsiz arhıtektýralyq kishi pishinder qoldanylýda. 2016 jyly qalada 290 aýla abattandyrylǵan bolatyn, bul jumys keler jyly da jalǵasady.
Bulardan ózge,megapolıs bashysy Jeltoqsan kóshesiniń batys jaǵynan Sátpev kóshesinen tómen aýmaqty jaıaý júrginshiler úshin keńeıtýdi tapsyrdy, sonda kólik turaǵy tarylady. Bul shara kólikti turaqqa qoıýdy retke keltirýge jáne osy ýachskede júrginshiler qataryn kóbeıtýge oń yqpal etetin bolady.
Almaty ákimi Baýyrjan Baıbek buryndary №103 baǵyty boıynsha júre bastaǵan «LıAZ» markaly tómen edendi avtobýstardy da qarap shyqqan bolatyn. Bul baǵyt boıynsha qala satyp alatyn 297 kóliktiń alǵashqy 20 avtobýsy júre bastady.
Evro-5 standartyndaǵy 12 metrlik avtobýstar ekologıalyq jaǵynan taza, syıymdylyǵy 108 adam, kondısıonerlermen, kameralarmen, vıdebaqylaýmen, pandýstarmen qamtamasyz etilgen. Qalǵan avtobýstar bıylǵy jyldyń jeltoqsan aıynda deıin kezeńmen keledi.
Budan ózgeo, «Green bus company» JSHS Yutong markaly 50 jańa avtobýstar aldy, olar №50,112,126 baǵyttary boıynsha sapaly qyzmet kórsetedi..
Basqa jeke tasymaldaýshylar birneshe aı ishinde syıymdylyǵy ártúrli 254 avtobýs alýdy josparlap otyr.
