Tanymal ánshi Altynaı Jorabaeva Habar telearnasyndaǵy «Tikeleı efır» baǵdarlamysyna barmaıtynyn málimdedi, dep jazady Qamshy aqparat agenttigi. Bul týraly ol óziniń ınstagram paraqshasyna jazǵan.
Ol reıtıń úshin jalǵan aqparat taratqan Habar telearnasyn synǵa aldy. Aıta ketetin bolsaq «Tikeleı efır» baǵdarlamasyn tanymal telejúrgizýshi Láılá Sultanqyzy júrgizedi.
«Mynaý ne sumdyq! Nege menimen aqyldaspaıdy? Sonda reıtıń úshin bireýdiń ómirin talqylaý kerek pe? Habar arnasynyń abyroıyna mynadaı baǵdarlama uıat! Habar telearnasyna eshqandaı jaman pikirim, nıetim joq! Mynaý «Tikeleı efır» degen baǵdarlamaǵa shaqyratyn kezde , tek meniń shyǵarmashylyǵym, Astanada qalaı turyp jatqanymyz, qyzdarym Astanany qalaı qabyldady? Ákem men anamnan meniń balalyq shaǵym jaıynda oı órbitetinderi jaıly aıtqan bolatyn. Al mynany qalaı túsinýge bolady? Aq saqaldy ákem men aq jaýlyqty anam, baýyrymdy , qurbymdy aldyrtty ushaqpen. Qyzdarymdy shaqyryp , efırge shyǵaryp qoıyp, Sábıt ekeýimizdiń ómirimizdi búkil halyqtyń aldynda ne úshin talqylaýymyz kerek ? Nege?! Meniń nıetim , kúıeýge tıip , baqytty , úlgili otbasy bolý edi. Tipti sahnaǵa shyqqym kelmeıtinin aıttym. Sábıtke urpaq qaldyraıyn, ul týyp bereıin dep , 4 qyzym dúnıege keldi. Eseptep týý degen nárseni tipti bilmedim de. Al endi 4 qyzymnyń ákesin búkil halyqqa, áke-sheshemniń, qyzdarymnyń aldynda otyryp talqylaýymyz kerek pe? Meni kishipeıildikke, erdi syılaýǵa tárbıeledi. Eshqashan erimniń betine kelgen emespin . Eshkim erteńgi kúniniń qandaı bolatynyna kepildik bere almaıdy. Meniń ómirimdi talqylaý úshin , ol adamdar ózderi 100% ıdeal bolý kerek . Qandaı bolsa da Sábıt qyzdarymnyń ákesi! Aman júrsin , baqytty bolsyn ! Alla ǵana tóreshi! Meni ánshi retinde, ana retinde qalaı syılaısyzdar, óz erikterińizde. Ózgertýge tyryspaımyn. Meni durys túsinińizder..."El bolam deseń ekranyńdy túze" demekshi búkil xalyqtyń áleýmettik máselesi kóteriletin úlken arna otbasylyq usaq-túıekpen aınalyspasa eken degen nıetim bar... Meniń taǵdyrym ulttyń máselesi emes! Bireýdiń taǵdyryn talqylap reıtıń kóterý degen, adamnyń taǵdyrymen oınaý degen sóz.... Eshkimge mundaı taǵdyr tilemeımin! Laıym, qyzdaryńyz baqytty bolsyn! Efırge barmaıtynymyzdy málimdeımin!», — dep jazǵan bolatyn Altynaı Jorabaeva. Alaıda belgisiz sebeptermen bul jazbasyn óshirip tastaǵan. «Tikeleı efır» baǵdarlamasynyń ınstagram paraqshasynda da Altynaı Jorabaeva týraly jazba óshirilgen.
Eske sala ketetin bolsaq, osydan biraz ýaqyt buryn Altynaı Jorabaeva Sábıt Ábdihalyqovpen ajyrasqanyn aıtqan bolatyn.
