«Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsıalyq zańynyń 101-baby 4-tarmaǵyna sáıkes 2017 jylǵy 29 qazanda respýblıkanyń 15 óńirinde 105 saılaý okrýginde máslıhattardyń shyǵyp qalǵan depýtattarynyń ornyna saılaý ótti dep habarlaıdy Qamshy.kz aqparat agenttigi.
Saılaý naýqany barysynda depýtattyq mandattarǵa úmitker retinde barlyǵy 370 azamat usynyldy.
Barlyq qajetti rásimder ótkizilgennen keıin okrýgtik saılaý komısıalary oblystyq, qalalyq, aýdandyq máslıhattar depýtattyǵyna 335 kandıdatty tirkedi.
Depýtattyqqa tirkelgen kandıdattardyń deklarasıadaǵy kúmándi málimetterine baılanysty 14 adam tirkeýden alynyp tastaldy.
Tirkeý rásiminen keıin máslıhat depýtattyǵyna 23 kandıdat óz ótinishi boıynsha kandıdatýralaryn alyp tastady.
29 qazanda saılaý búletenderine máslıhattar depýtattyǵyna 298 kandıdattyń tegi engizildi.
Ortasha básekelestik bir depýtattyq mandatqa 2,84 kandıdatty qurady.
Daýys berý 612 saılaý ýchaskesinde ótti.
Aýmaqtyq saılaý komısıalarynyń aldyn ala derekteri boıynsha saılaýshylar tizimderine barlyǵy 722 709 saılaýshy engizildi.
Saılaý búletenderin alǵan saılaýshylardyń sany - 519 139 adam. Osylaısha, qosymsha saılaýǵa kelý 71,8 %-dy qurady.
Daýys berý barysyn kandıdattardyń senim bildirgen adamdary, saıası partıalardy, qoǵamdyq birlestikterdiń ókilderi, jalpy sany 1609 baıqaýshy jáne BAQ-tyń 133 ókili baıqady.
Respýblıka boıynsha barlyǵy oblystyq máslıhattardyń 22 depýtaty, qalalyq máslıhattardyń 19 depýtaty jáne aýdandyq máslıhattardyń 64 depýtaty saılandy.
Saılanǵan máslıhattar depýtattarynyń 102-si «Nur Otan» partıasynyń, 1-eýi «Aýyl» partıasynyń, 1-eýi QHKP partıasynyń músheleri, 1- eýi partıada joq.
Saılanǵan máslıhattar depýtattarynyń quramynda 82 (78,1 %) er adam jáne 23 (21,9 %) áıel adam. Áıel depýtattardyń kópshilik sany Qostanaı oblysynda (6 depýtat) saılanǵan. Aqmola, Jambyl oblystarynda áıelder máslıhattar depýtattyǵyna usynylmaǵan.
Saılanǵan máslıhattar depýtattarynyń ortasha jasy 43,9;
onyń ishinde:
oblystyq máslıhattarda – 48 jas;
qalalyq máslıhattarda – 43,2 jas;
aýdandyq máslıhattarda – 40,6jas.
Máslıhattyń eń jas depýtaty 24 jasta. Ol Almaty oblysy, Eskeldi aýdandyq máslıhatynyń depýtaty bolyp saılandy.
Bilimderi boıynsha depýtattardyń kópshiligi dárigerler, ınjenerler, ekonomıser, muǵalimder, jumys toptary boıynsha – memlekettik mekemelerdiń, komersıalyq qurylymdardyń, saıası partıalardyń jáne ÚEU (úkimettik emes uıymdardyń) qyzmetkerleri.
«Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsıalyq zańynyń 111-babyna sáıkes máslıhattardyń shyǵyp qalǵan depýtattarynyń ornyna saılaý qorytyndylaryn tıisti aýmaqtyq saılaý komısıalary saılaý ótkizilgen kúnnen bastap bes kún merzimnen keshiktirmeı anyqtaıdy.
