Reseılik Regnum.ru basylymy Kırıll Istomınniń Qazaqstandaǵy latyndaný prosesine oraı óz paıymyn jarıalady. Istomınniń aıtýynsha, Qazaqstan prezıdenti Nursultan Nazarbaevtyń latyn álipbıiniń jańa nusqasyn bekitý týraly Jarlyqqa qol qoıýy Reseıde turatyn qazaqtar úshin jaǵymsyz jańalyq bolyp otyr.

«Olar únsiz otyr, sebebi Otandaryna satqyndyq jasaǵysy kelmeıdi», - dep jazdy sarapshy óz maqalasynda. Onyń aıtýynsha, mundaı proses Reseıdegi qazaqtardyń jaǵdaıyn qıyndatady.

Ondaı jaǵdaılarǵa birneshe mysal keltirip ótti.

«Birinshiden, qazaqtar úshin yńǵaısyzdyq jaǵdaı týady. Saıasatkerler latynǵa kóshý úrdisin antıreseılik saıasatqa qatysy joq degenimen, buǵan sený qıyn. Qazaqstannyń ultshyl kúshteri osyndaı ádis arqyly keńestik dáýirmen qosh aıtysyp, «Reseı ımperıalızminiń» taǵy bir betin jabady.

Bul qoshtasý antıreseılik saıasat aıasynda júzege aspaq. Árıne, ǵylymı turǵydan alǵanda slavándar men túrkilerdiń tilderindegi aıyrmashylyq bárimizge aıan. Túrki fonetıkasyn latyn álipbıi arqyly jetkizý áldeqaıda ońaı. Alaıda munda bir saıasattyń jatqanyn eskerý qajet, ol – álipbı reformasy aıasyndaǵy saıası sıpat».

Sondaı-aq Reseıde turyp jatqan qazaqtardyń sanyn da kórsetip ótken. «2010 jylǵy sanaq boıynsha 647 myń adam, al búkil álem boıynsha qazaqtardyń sany 15 mıllıonǵa jetedi. Qazaqstanda 11,7 mıllıon qazaq bar. Sibir aýdanynda da qazaqtardyń úlken dıasporasy bar. Omsk oblysynda 78 myń qazaq bolsa, Altaı Respýblıkasynda 12 myń, Novosıbırsk oblysynda 8-11 myń qazaq turady. Qazaqstannyń tarıhy árkimge málim, árkim úshin baǵaly. Qazaq tilin de biledi, mádenıeti de tańsyq emes. Al qazaq tiliniń latynǵa kóshýi olardyń jaǵdaıdyń qıyndatýy múmkin».

Istomınniń paıymynsha, reseılik qazaqtar arasynda saýattylyq tómendep, shatasýlar oryn alady.

Aıta keteıik, Qazaqstanda latyn grafıkasyna negizdelgen jańa qazaq álipbıi bekitildi. 26 qazanda memleket basshysy Nursultan Nazarbaev tıisti jarlyqqa qol qoıǵan. Qazaqstandaǵy Reseıdiń tótenshe jáne ókiletti elshisi Mıhaıl Bocharnıkov Qazaqstannyń latynǵa kóshýi týrasynda óz pikirin bildirdi. Elshiniń aıtýynsha, Reseı egemen Qazaqstannyń memlekettik tilin latyn álipbıine kóshirýine túsinistikpen ári qurmetpen qaraıdy.