Búgin «Nur Otan» partıasynyń Tóraǵasy Nursultan Nazarbaevtyń kelisimi boıynsha partıa Tóraǵasynyń Birinshi orynbasary Muhtar Qul-Muhammed Ortalyq apparat ujymyna partıanyń jańa hatshysy Ǵabıdolla Ábdirahymovty tanystyrdy.Bul týraly Qamshy.kz aqparat agenttigi jazady. 

Al Zaýytbek Turysbekov basqa qyzmetke aýysýyna baılanysty atalǵan qyzmetten bosatyldy, dep habarlaıdy partıanyń baspasóz qyzmeti.

Muhtar Qul-Muhammed Z.Turysbekovke partıa qataryndaǵy tıimdi eńbegi úshin rızashylyǵyn bildirip, jańa Dúnıejúzi qazaqtary qaýymdastyǵy Tóraǵasynyń birinshi orynbasary qyzmetine tabys tiledi.

Zaýytbek Qaýysbekuly atalǵan qyzmetke osy jyldyń maýsym aıynda taǵaıyndalǵan bolatyn.

Ábdirahymov Ǵabıdolla Rahmatollauly 1975 jyly 23 qańtarda Ońtústik Qazaqstan oblysynda dúnıege keldi.

Ekonomıs jáne memlekettik ákimshiliktik basqarý mamandyqtary boıynsha joǵary bilim alǵan. Qazaq, orys, nemis jáne aǵylshyn tilderin jetik meńgergen.

Ár jyldary jaýapty basshylyq qyzmetterde boldy. Atap aıtqanda, Memlekettik qyzmet isteri agenttiginiń tóraǵasy, Básekelestikti qorǵaý agenttiginiń tóraǵasy, Premer-Mınıstr Keńsesiniń jetekshisi, Prezıdent Ákimshiligi Basshysynyń orynbasary qyzmetterin abyroımen atqardy.

Ǵ.Ábdirahymov «Nur Otan» partıasynyń hatshysy qyzmetine deıin Shymkent qalasynyń ákimi boldy.