Facebook, Twitter jáne Google Reseı Federasıasynyń AQSH prezıdent saılaýyna qanshalyqty aralasqandyǵy týraly málimet jarıalady. Atalmysh áleýmettik jeliler amerıkandyq kongres otyrysynda nelikten jalǵan málimetti ońaı taratýǵa bolatyndy týraly suralatyn bolady. Bul týraly Qamshy.kz aqparat agenttigi Izvestıa basylymyna súıene otyryp jazady.

Facebook-tyń málimetinshe, Reseıdiń múddesin kózdeıtin jazbalardy 126 mıllıon amerıkandyqtar oqyǵan. Bul sandarǵa súıengende ol AQSH turǵyndarynyń 40 paıyzyn quraıdy eken. Áleýmettik jeliniń málimdeýinshe, jazbalar kontentin ınternet zertteýshi agenttik daıarlaǵan.

Al Google-ge súıensek, joǵaryda atalǵan reseılik agenttik YouTube kanalynan 17 saıası sıpattaǵy beıne jazbalar taratqan.

Iz.ru basylymynyń málimetinshe, Twitter reseılik RT jáne Sputnik basylymdarynyń jarnamalaryn jarıalaýdan bas tartqan.

Osyǵan deıingi bir jyl boıy AQSH Reseı Federasıasyna qanshama ret kinárat taqqanmen, áli kúnge deıin naqty dálelderdi keltire almaı álek.