Brıtandyq  Shabaaz Súleıman esimdi jigit osydan úsh jyl buryn DAISH terorıstik tobyndaǵy sodyrlarǵa qosylyp ketken. Óziniń halıfattaǵy ómiri jaıly ol  Sky News jýrnalısine baıandap bergen dep jazady Qamshy.kz aqparat agenttigi.

22 jastaǵy Shabaaz sol jyldarda ýaqytynyń kóp bóligin PlayStation-da oıyn oınap, velosıped aıdaýmen ótkizgenin aıtady. Onyń aıtýynsha, ol sodyrlarmen júrgenine 5 bolǵanda ǵana top týraly kúdiktene bastaǵan.

«Áýel basta bul jıhat bolatyn. Biz jıhatqa adamdardy óltirip, baýyzdaý úshin emes, turǵyndardy qorǵaý úshin shyqqan bolatynbyz»-deıdi ol.

Jigittiń aıtýynsha, ol eshkimdi óltirmegen. Qaýipsizdik úshin qoınynda qarý-jaraq ustap júrgen. Alaıda, kóp uzamaı ony «áskerı polısıa» bólimine jiberip, turǵyndardy baqylatyp qoıǵan. Brıtandyqtyń sózinshe, bul keńse qyzmetkerleriniń jumysy sıaqty bolǵan.

«DAISH terrorısterimen birge bolǵanym ras. Biraq, eshkimi ólitirip, qorlaǵan joqpyn..»-deıdi ol.

Qazirgi ýaqytta Súleıman Túrkıa men Sırıa shekarasynda ornalasqan túrmege qamalǵan. Terrorısterge qosylyp aqymaqtyq jasaǵanyn aıtqan ol, Ulybrıtanıaǵa qaıta kelýdi ańsaıtynyn jetkizdi.

Súleımanǵa qatysty tergeý júrgizilip jatyr. Jalpy alǵanda,  buryńǵy sodyrlardyń kópshiligi terrorısterdiń áskerı qımyldarynda qatysqan joqpyz, tek qyzmet kórsetýshi retinde jumys istedik dep aıtady eken.