Pákistanda 21 jastaǵy Asıa Bıbi esimdi qyz kúıeýin óltirmekshi bolǵan úshin ustalǵan. Pendjab provınsıasynda birden 15 adam ýlanyp qaıtys bolǵan dep jazady Vestı.ru.
Málimetterge súıensek, qyzdyń súıgen jigiti bolǵanyna qaramastan, ony óz erkinen tys kúıeýge bergen. Jas kelin úıden qashyp ketken eken, alaıda onyń týystary qyzdy qonysyna qaıta aparyp tastaǵan. Osydan keıin jas qyz kúıeýin sútke ý qosyp ýlap óltirmekshi bolǵan.
Alaıda ýlanǵan sútti onyń kúıeýi ǵana emes, barlyq 27 adamnan turatyn úlken otbasy iship ýlanyp qalǵan. Bıbiniń kúıeýi jáne taǵy 15 adam kóz jumǵan.
Asıa Bıbi men oǵan bul qylmysty jasaýǵa kómektesken jigiti men ápkesi ustalyp, qamaýǵa alyndy. Olarǵa qandaı jaza taǵaıyndalǵany ázirge belgisiz.
