Batys konspırologtary aqyr zaman bolatyn kúndi atady dep jazady Qamshy.kz aqparat agenttigi Tengrinews.kz-ke silteme jasap. Olardyń aıtýynsha, qarashanyń ekinshi jartysynda Nıbırý planetasynyń gravıtasıasy Jer planetasynyń lıtosferalyq taqtasynyń qozǵalýyna yqpal etedi. Sonyń saldarynan jer silkinisi bolyp, janartaýlar atqylaıdy.

Ýfologtardyń boljaýynsha, kataklızm barlyq elge áser etedi. Mıllıondaǵan adam kóz jumady. Zertteýdi júrgizgen Terral Kroftyń aıtýynsha, 2017 jyldyń qarasha aıynyń sońǵy eki aptasynda ǵalamdyq seısmologıalyq belsendilik eń joǵary shegine jetedi. Sarapshylar aqyr zaman 19-shy qarashada bolady dep boljaıdy.

Nıbırý nemese «Belgisiz planeta» Kúnniń aınalysynda ár 3600 jyl saıyn aınalady degen boljam bar. Osy teorıaǵa senetinderdiń oıynsha, 100 jyl buryn Nıbırý planetasy basqa planetalarǵa áser etken. Máselen, bul týraly amerıkalyq ǵalym  Devıd Mıd «Planet X The 2017 Arrival» kitabynda jazǵan.

Ǵylymı qaýymdastyqtar Nıbırý planetasy joq dep esepteıdi. Buǵan deıin ǵarysh agenttigi NASA da osyndaı málimdeme jasaǵan.