Nú-Iorkte Ózbekstan azamaty qasaqana jaıaý júrginshilerdi qaqqan  dep habarlaıdy Qamshy.kz aqparat  agenttigi sheteldik BAQ-qa silteme jasap. Osy oqıǵanyń saldarynan 8 adam kóz jumdy.

Alty adam sol jerde mert boldy. Eki adam aýrýhanada jan tapsyrdy. 11 adam ómirine qaýip tóndirmeıtin jaraqat aldy.  

Polısıanyń málimetinshe, qaskúnem eń aldymen Manhettende velojolda adamdardy qaǵyp, odan keıin mektep avtobýsyn soqqan.  

Kóz jumǵandardyń arasynda amerıkalyqtarmen qatar Belgıa jáne Argentına azamattary bar. Bul týraly Belgıanyń syrtqy ister mınıstri Dıde Reınders pen Argentınanyń SİM habarlady.

Amerıkalyq BAQ-tyń habarlaýynsha, ustalǵan 29 jastaǵy Saıfýllo Saıpov Ózbekstan azamaty. Onyń kólikti jalǵa alǵany anyqtaldy.

Saıfýllo Saıpov 2010 jyly AQSH-qa kelgen. 2015 jyly Pensılvanıada jol júrý erejesin buzǵany úshin jaýapqa tartylǵan.