Astana qalalyq İİD ókilderi elordadaǵy aıaldamalardyń birinde arandatý máninde mátin jazyp ketkenderge qatysty jańa mán-jaıdy anyqtady, - dep habarlaıdy Qamshy.kz aqparat agenttigi Tengrinews.kz-ke silteme jasap.

 İİD ókilderiniń habaryna qaraǵanda, kúdikti qylmysyn moıyndap otyr jáne ol buryn sotty bolǵan eken.

"Sotqa deıingi tergeý barysynda sottalýshy óz kinásin moıyndady. Tańǵy besterde bul aıaldamada mas kúıde bolǵanyn habarlady. Qazirgi ýaqytta is materıaldary sotqa jiberildi", - dep habarlady İİD ókilderi.

Elordalyq İİD tergeý basqarmasynyń ókilderi oqıǵanyń bıyl tamyzda bolǵanyn eske salyp otyr. Jazylǵan mátindi tártip saqshylary "Ulttyq, rýlyq, násildik, áleýmettik jáne dinı arazdyqty tutandyrý" dep baǵalady. Eske salsaq, sol kezde Facebook jelisinde Jeńis dańǵyly men Moldaǵulov kóshesiniń qıylysyndaǵy aıaldamaǵa jazylǵan mátinniń sýreti jarıalanǵan edi.