Almaty qalalyq Energetıka jáne komýnaldy sharýashylyq basqarmasynyń basshysy Ermek Úsenbaev Shymkent qalasynyń ákimi boldy dep Qamshy.kz aqparat agenttigi Otyrar.kz-ke silteme jasap jazady.

Ermek Úsenbaev 1960 jyly Taraz qalasynda dúnıege kelgen. 1983 jyly aýylsharýashylyǵy ınstıtýtyn agronom mamandyǵy boıynsha támamdaǵan.

Ár jyldary túrli qyzmet atqarǵan. Máselen 1996-2004 jyldardyń aralyǵynda Jambyl oblysy Jýaly aýdanynyń ákimi, 2004 jyldyń mamyr aıynan 2008 jyldyń qazan aıyna deıin Jambyl oblysy ákiminiń orynbasary bolǵan.

Al  2008-2009 jyldar aralyǵynda ákimniń birinshi orynbasary qyzmetin atqarǵan.

Ermek Úsenbaev biraz ýaqyt «AlmatySý» holdıńiniń bas dırektory da bolǵan.

2015 jyldyń mamyrynda Almaty Energetıka jáne komýnaldy sharýashylyq basqarmasy basshysynyń mindetin ýaqytsha atqarýshy bolyp taǵaıyndaldy. Al Shymkent ákimi bolǵanǵa deıin basqarmanyń basshysy qyzmetinde boldy.

Eske sala keteıik, osyǵan deıin Shymkent qalasyn basqarǵan Ǵabıdolla Ábdirahymov keshe qyzmetinen ketken.