«Va bank», «Ystyq uıa» telehıkaıalary arqyly tanylǵan káris aktrısasy turmysqa shyqty dep Qamshy.kz aqparat agenttigi QazAqparatqa súıene otyryp jazady.

Álemge tanymal káris aktrısasy Son He Ge áriptesi Son Chjýn Kıge turmysqa shyqty. Olardyń úılený toıy keshe, 31 qazanda, bul aqparat akterdiń Instagram paraqshasynan belgili boldy.

Bıyl 36-ǵa tolǵan Son He Ge men doramadaǵy áriptesi 32 jastaǵy Son Chjýn Kı toılaryn jaqyn týystary men dostary arasynda atap ótti. Aıta keteıik, káris akterleri Son Chjýn Kı jáne Soń He Ge "Kún urpaqtary" telehıkaıasynda birge oınap, mahabbattary sol jobadan keıin órbigen. Buǵan deıin eki akterdiń shyn ómirde de kezdesip júrgenderi jaıly túrli qaýeset shyqqan bolatyn.

Eske sala keteıik, Son He Ge óner jolyn 1996 jyly "Baqytty kún" telehıkasyna túsý arqyly bastaǵan edi. Ol "Júregimde qalǵan kúz" serıalynan keıin tanymaldylyqqa ıe boldy. Sonymen qatar, Koreıada ǵana emes, Azıanyń kóptegen elderinde kórsetilgen "Nar táýekel" ("All In"), «Va-bank», «Ystyq uıa» telehıkaıalarynda basty róldi somdap, kórermenniń ystyq yqylasyna bólengen edi.  

Al Son Chjýn Kı "Songúngvandaǵy janjal" (Sungkyunkwan Scandal), "Kún urpaqtary" (Descendants of the Sun) doramasy arqyly tanylǵan. Osy jetistiginen keıin akter Ońtústik Koreıada suranysy eń joǵary akterlerdiń qatarynan oryn aldy.