Ilınniń jubaıymen ajyrasqanyna bir jyldaı ýaqyt bolypty. Aýyr atlet Ilá Ilın Mens Health Kazakhsan basylymyna bergen suqbatynda jubaıymen ajyrasyp ketkeni týraly aıtyp berdi. Bul týraly Qamshy.kz aqparat agenttigi jazady.

"Bizdiń ajyrasyp ketkenimizge bir jyldan az boldy. Biraq ajyrasý týraly qujattyr jýyrda ǵana keldi. 12 jyl birge boldyq. Bir-birimizdi súıdik. Qyzymyz ósip keledi. Biraq barlyq qıyndyqtar jınalyp qalǵan kezde biz shydaı almadyq", - deıdi aýyr atlet. 

"Men sıaqty aýyr depressıaǵa túsip ketken adamǵa shydaý qıyn shyǵar. Bizde buǵan deıin barlyq otbasyndaǵydaı kıkiljiń boldy. Ol kezde barlyǵynan aman-esen ótip júrdik. Degenmen sońǵy kezde shydaý múmkin bolmaı ketti. Maǵan da Natalıaǵa da eki ese qıyn bolyp ketti. Men muny jaqsy túsinemin. Úlken urys boldy. Sodan soń ol úıine ketip qaldy. Men muny kótere almaı, ajyrasýdy talap etti. Bul kezde kóp emosıanyń bolǵanyn bilemin. Alaıda qazir munyń barlyǵyn isteý kerek bolǵanyn túsinemin. Áli de ókpem bar. Biz qazir aralaspaımyz. Áleýmettik jelilerde de bir-birimizdi baqylyp otyrmaımyz", - deıdi Ilın. 

Sonymen qatar ol osy jaǵdaıdan dostarymen ótetin otyrystar men jattyǵýlar arqyly shyǵyp júrgenin aıtty. "Jazda qıyn boldy. Jazda men Shveısarıaǵa zańgermen kezdesýge barǵandy munyń barlyǵy da basymda turdy. Degenmen qazir de depressıada júrmin. Biraq ol kezde jaǵdaı tipti qıyn boldy. Tipti psıhıatrıaǵa barýǵa jaqyn qaldym. Durys sóıleı almaıtyn jaǵdaıǵa jetti. Al qazir barlyǵy qalypqa kelip jatyr", - deıdi Ilın. 

"Júlde men sport obasynyń qasynda bolmaıtyn dúnıeler. Karerańda bárin qalpyna keltirip alýǵa bolady. Súıgen adamnyń ornyn tolyqtyrý múmkin emes. Bul óte jaǵymsyz jaǵdaı. Áli de ishim kúıip aýyrady. Tolyq qalpyma kelmedim", - deıdi tanymal sportshy. 

Ilá Ilınniń tolyq suhbatyn myna siltemege ótip oqýlaryńyzǵa bolady. Onda ol sportqa qaıta oralyp, básekelerde baǵyn synaýǵa daıyn ekenin aıtady. 

Aıta keteıik, Ilá Ilın Natalá Kýlakovaǵa úılengen bolatyn. Bul juptyń toıy 2012 jyly ótti. Natalá - gandboldan Qazaqstannyń birneshe dúrkin chempıony. Azıa birinshili men Azıa oıyndarynyń qola júldegeri. Eki ret álem birinshiligine qatysqan. 

Eske salaıyq, Ilın qanynan ruqsat etilmegen dárýmen tabylǵany úshin eki Olımpıada oıyndarynyń medalinen aıyrylǵan bolatyn. Halyqaralyq aýyr  atletıka federasıasynyń taratqan málimeti boıynsha, Maııa Maneza men Zýlfıa Chınshanlo eki jylǵa sporttan shettetilse, Svetlana podobedov jeti shylǵa shettetilgen edi. Biraq Ilınniń sporttan qansha ýaqytqa shettetilgeni belgisiz bolyp tur.