EKSPO-2017 aýmaǵyndaǵy «Nur Álem» Bolashaq mýzeıi týrısik aımaǵynyń ashylý qarsańynda mýzeıge Iordanıa Koroli Abdalla İİ ben ál-Hýseın bardy. EKSPO kórmesi jabylǵannan keıin munda alǵash ret shet memlekettiń basshysy kelip otyr. «Astana EKSPO-2017» UK» AQ Basqarma Tóraǵasy Ahmetjan Esimov Iordanıa Koroline Bolashaq mýzeıiniń eksponattaryn tanystyryp, ondaǵy nysandardyń Kórme ótkennen keıingi paıdalanylýy jaıyn áńgimeledi.

Iordanıa Koroli Abdalla İİ ben ál-Hýseın EKSPO-2017 kórmesine Iordanıanyń qatysýy Qazaqstan Respýblıkasymen ekijaqty qarym-qatynastardyń nyǵaıýyna qyzmet etkenin aıtty.

Aıta keteıik, Qazaqstanǵa resmı saparmen kelgen Iordanıa Koroli Abdalla İİ ben ál-Hýseın mýzeıge barmas buryn Qazaqstan Respýblıkasynyń Prezıdenti Nursultan Nazarbaevpen kezdesken bolatyn.