Bangladeshtiń İshki ister mınıstri Asadýzzaman Han Kemal álemdik qaýymdastyqtardy musylman bosqyndardyń óz úılerine oralýy úshin Mánma bıligine qysym jasaýdy jalǵastyrýǵa shaqyrdy, — dep habarlaıdy Qamshy.kz aqparat agenttigi sheteldik BAQ-qa silteme jasaı otyryp.
«Halyqaralyq qysym bolmasa Bırma bıligi rohındjalyq musylmannyń óz tarıhı otandaryna oralýyna esh áreket jasamaı otyr», — dedi Kemal. Alaıda mınıstr Bangladesh úkimeti bosqyndardyń óz úılerine oralýy úshin bar múmkindikti jasap otyrǵanyn málimdedi. Dakka ýnıversıteti Halyqaralyq qatynastar fakúltetiniń profesory Imtıah Ahmed álemdik qaýymdastyq yqpalynsyz Mánma bıligi bosqyndardyń oralýyna kedergi jasaýyn jalǵastyratynyn atap ketti.
Onyń aıtýyna qaraǵanda, Bangladesh úkimeti Mánmaǵa yqpal jasaý úshin Qytaı, Úndistan men Ońtústik-SHyǵys Azıa elderi Asosıasıasy memleketterine delegasıa jiberýi tıis.
