Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasy aıasynda Shaısultan Shaıahmetov atyndaǵy tilderdi damytýdyń respýblıkalyq úılestirý-ádistemelik ortalyǵy úsh tildi jetik biletin jastar arasynda «Tildaryn» respýblıkalyq olımpıadasyn ótkizedi,- dep habarlaıdy Qamshy.kz aqparat agenttigi.

Qazaq, orys, aǵylshyn tilderin jetik meńgergen qabiletti jastardy anyqtaý maqsatynda uıymdastyrylyp otyrǵan baıqaý aǵymdaǵy jyldyń 10 qarashasynda Aqmola oblysy "Baldáýren" respýblıkalyq oqý-saýyqtyrý ortalyǵynda ótedi. 

Olımpıadaǵa 18-22 jas aralyǵyndaǵy qalalyq jáne oblystyq irikteý kezeńderdiń jeńimpazdary qatysady. Úmitkerler úsh tilde berilgen tapsyrmalardyń mazmunyn ashýmen qatar til mádenıeti men saýatty aýdarma jasaı bilý deńgeılerin kórsetedi. Saıyskerlerdiń bilim deńgeıin arnaıy qurylǵan qazylar alqasy anyqtaıdy.

Baıqaý qorytyndysy boıynsha jeńimpazdar dıplom, alǵysqat jáne baǵaly syılyqtarmen marapattalady. Tolyǵyraq bilgińiz kelse myna baılanys telefony arqyly habarlasýyńyzǵa bolady: 8(7172) 40-83-93, 8 708 923 41 64.