Ǵalymdar mysyrlyq Heops pıramıdasynyń ortalyǵynda jasyryn bólme tapty. Mundaı jańalyq ǵaryshtyq sáýleler arqyly eskertkishti zertteý kezinde ashyldy dep jazady Nature jýrnaly.
30 metrge sozylatyn úlken bólme galereıa astynda ornalasqan. Ázirge bul bólmeniń qandaı ról atqarǵany belgisiz. Ǵalymdardyń boljaýynsha, bul faraonnyń mazary ornalasqan bólme bolýy múmkin nemese sol mazarǵa aparatyn oryn da bolýy yqtımal.
ScanPyramids jobasy aıasynda pıramıdany skanerleý prosesi 2015 jyly júzege asqan.
Atalǵan joba boıynsha taǵy Dahshýr qalasyndaǵy birneshe pıramıda men Gızedegi Hefren pıramıdalary zertteldi. Zertteý 3D qurý arqyly, ınfraqyzyl termografıa tehnologıasy arqyly júrgizilgen.
