Almaty oblysynyń polısıasy tártip saqshylarynyń Qytaı azamatymen eregesip jatqan vıdeosyna baılanysty túsinikteme berdi, dep jazady Qamshy.kz aqparat agenttigi.  

Anyqtalǵandaı, oqıǵa 31 qazan kúni Panfılov aýdanynyń Qorǵas aýylynda bolǵan. Vıdeoda Qytaı azamatynyń qazaq polıseıin basynyp, dóreki sózdermen balaǵattap jatqanyn baıqaımyz.

Búginde Qytaı azamaty ustalyp, polıseı qyzmetkerleri Qazaqstan Respýblıkasy Ákimshilik quqyq buzýshylyq týraly kodeksiniń 667-babyna sáıkes «Zańdy tártipke nemese quqyq qorǵaý organdaryna nemese arnaýly memlekettik organǵa baǵynbaýyna» baılanysty  hattama toltyrǵan.

İs aýdandyq ákimshilik sottyń qaraýyna joldandy. 

Sol kúni Qorǵas eldi mekeninde jeńgetaılyq jasady degen kúdikpen taǵy bir Qytaı azamaty ustaldy. 

Polısıanyń málimetinshe, 41 jastaǵy sheteldik Soltústik Qazaqstannan kelgen eki qyzdy jezókshelikke tartqan. Bul týraly Sputnik Qazaqstan habarlady.