Medeý qonaqtary kónkımen syrǵanaýdy osy jeksenbi kúni tegin úırene alady.
Qarashanyń 5- i kúni «Medeý» muz aıdynyńda «Sporttyq Almaty» baǵdarlamasy aıasynda kónkımen syrǵanaýdy tegin úıretý sabaqtary ótkiziledi.
20-ǵa jýyq tájirıbeli jattyqtyrýshylar kez kelgen «Medeý» qonaqtaryn saǵat 19:00-den 21:00-ge deıin aptanyń ár senbisi nemese jeksenbisinde tegin úıretetin bolady. Sonymen qatar, qonaqtarǵa jobany uıymdastyrýshylar kóptegen syılyqtar tabystap, konserttik baǵdarlamalar ótkiziletinin habarlaıdy.
— Kónkı tebýdi úırengisi kelip júrgender kóp boldy. Kóbinese kishkentaı balalarmen qyzdarǵa kómek kórsettim. Nátıje jaman emes, — dedi nusqaýshy Oljas Mynbaev.
Aıta keter jaıt, bıletter men kónkıdi jalǵa alý Medeýdegi preıskýrantka sáıkes beriledi. Bul kónkımen syrǵanaýǵa aqysyz túrde úıretý sabaqtary jeltoqasannyń 24-i deıin jalǵasyp, kelesi jyldyń qantarynda qaıta iske qosylady.
— Men kónkı tebýdi umytyp qalyppyn, nusqaýshylardyń kómegine júginip, biraz nárseni úırendim. Olarǵa alǵys bildiremin. Bul jerde kónkı tebe almaı júrgender óte kóp, sondyqtan nusqaýshylardyń bolǵandary óte dúrys, — dedi Balǵyn Serikbaeva.
Sporttyq sharanyń basty maqsaty qaladaǵy buqaralyq sport túrlerin damytyp, qala turǵyndary men qonaqtaryn salaýatty ómir saltyn ústanýǵa shaqyrtý bolyp tabylady. Aksıa «Sporttyk Almaty» baǵdarlamasyna bıylǵy jyldyń 25-shi aqpanynda qosylǵan bolatyn.
«Sporttyq Almaty» baǵdarlamasy qaladaǵy buqaralyq sportty damytý maqsatynda júzege asyrylǵan.
"Sporttyq Almaty" baǵdarlamasy jappaı sport túrin damytýǵa, belsendi sporttyq demalysty nasıhattaýǵa baǵyttalǵan.
