Aımaq basshysy Danıal Ahmetovtyń ókimimen Abaı aýdany ákimi qyzmetine Jarqynbek Baısabyrov taǵaıyndaldy. Buǵan deıin ol Úrjar aýdany ákiminiń orynbasary bolǵan, dep jazady Qamshy.kz aqparat agenttigi.
Jańa basshyny aýdan aktıvine SHQO ákiminiń birinshi orynbasary Nurymbet Saqtaǵanov tanystyrdy. Jarqynbek Borashuly 9 tamyzda 1969 jyly Úrjar aýdany Birinshi maı aýylynda dúnıege kelgen. 1992 jyly Semeı zootehnıkalyq-veterınar ınstıtýtyn «mal dárigeri» jáne 2008 jyly M.Áýezov atyndaǵy Semeı ýnıversıtetin «Ekonomıka» mamandyǵy boıynsha támamdaǵan.
Eńbek jolyn 1992 jyly Birinshi maı aýylynda Kalının atyndaǵy kolhozda sanıtarlyq-emdeý pýnktinde meńgerýshi qyzmetinen bastaǵan. Odan keıin birneshe jyl «1 Maı» JSHS meńgerýshisi boldy. 1998-2004 jyldary aralyǵynda «Erasyl» sharýa qojalyǵyn basqaryp, artynsha Úrjar aýdanynyń Nekrasov aýyldyq okrýginiń ákimi boldy. 2006 jyldyń qyrkúıeginen bastap Joǵarǵy Eginsý aýyldyq okrýgi ákimi laýazymyna taǵaıyndaldy. Al 2008 jyldan osy kúnge deıin Úrjar aýdany ákiminiń orynbasary mindetin atqardy.
