Ekinshi ERG ınnovatorlar forýmynyń qatysýshylary konferens-zaldyń aýmaǵynan shyqpaı-aq, barlyq ınfraqurylymy tolyqtaı kórsetilgen, shynaıy dep ataýǵa keletin Sokolov-Sarybaı ken ornynyń Qorjynkól karerynyń vırtýaldy modeline «saıahat» jasady. Osyndaı erekshe ádistiń kómegimen qoıylyp otyrǵan mindetterdi sheshý, ónidiristegi jańa sheshimderdi engizý jáne nátıjeni kórneki jolmen baqylaý usynyldy,-dep jazady Qamshy.kz aqparat agenttigi.
«Bul tek bizdiń kompanıanyń ǵana emes, qoryqpaı, batyl túrde aıta alamyn, búkil eldiń tarıhy úshin tolyqtaı jańa trenıń bolyp otyr. Osy shara úshin biz qoldanǵan tehnologıalar, ıaǵnı tolyqtyrylǵan shynaıylyq kózildirigi qyzmetkerlerdi oqytýdyń jańa prosesin ıgerýdegi alǵashqy qadam bolady dep úmittenemiz», - deıdi Eýrazıalyq Toptyń operasıalyq tıimdilik jónindegi dırektory Aleksandr Sorokın.
Ekinshi ERG ınnovatorlar forýmynyń uıymdastyrýshylary teorıamen shektelmeı, jańa tehnologıalardyń múmkindigin is júzinde de kórsetýdi uıǵarypty. Vırtýaldy karer – tórtinshi óndiristik revolúsıa alyp keletin azdaǵan múmkindikterdiń biri.
Tórtinshi óndiristik revolúsıanyń taý-ken sektory úshin ne beretini jáne qandaı bolashaq kútip turǵany forýmnyń basty taqyrybyna aınaldy.
«Búgin biz barlyq jerde sıfrlandyrý, robottandyrý, jasandy sana, ındýstrıa 4.0 týraly estımyz, bul ózekti másele, ýaqyttyń talaby jáne elimiz úshin de, bizdiń ındýstrıa úshin de úlken mańyzǵa ıe», - dep atap ótti forýmnyń paneldi sesıasynda sóz alǵan ınvestısıalar jáne damý jónindegi birinshi vıse-mınıstr Alık Aıdarbaev.
Bul – forýmda tanystyrylǵan kóptegen praktıkalyq múmkindikterdiń biri ǵana. Birinshi ret atalǵan shara aıasynda qala máselelerin sheshý boıynsha Eýrazıalyq Top qyzmetkerleriniń ıdeıasyn jınaǵan áleýmettik jańashyldyqtyń baıqaýy ótti. «Hackathon: upgrade» qatysýshylary bul jyly naqty óndiristik nysandy ońtaılandyrý úshin jumys istedi. Ári kóńil kóteretin, ári paıdaly dúnıe retinde qatysýshylarǵa tuńǵysh ERGigitGo! korporatıvtik mobıldi oıyny testileýge usynyldy. Ataqty pokemon oıynyndaǵydaı oıynshylar ERG qyzmetkerleriniń ortaq beınesi retindei anımasıalyq keıipker Erjigitti izdedi. Eń aqyldy ári epti qatysýshyǵa estelik syılyq jáne Erjigitpen foto buıyrdy.
Barlyǵy forým aıasynda 50 shaqty ınovasıalyq joba tanystyryldy, bul birinshi ERG ınnovatorlar forýmyndaǵy kórsetkishpen salystyrǵanda 2,5 ese artyq.
