Jýyrda «Egemen Qazaqstan» gazetinde Qazaqstannyń eńbek sińirgen qaıratkeri, jazýshy Qalı Sársenbaıdyń Meırambek Bespaevqa arnalǵan «Rýǵa emes – rýhqa, aǵaǵa emes, Alashqa qyzmet etetin kezderiń» atty haty jaryq kórgen bolatyn. Ánshi  Meırambek Besbaev «Habar» arnasynyń «Tikeleı efır» baǵdarlamasyna qatysyp, óner men mádenıet salasyndaǵy búgingi qoǵamdyq sana men tanym týraly áńgimeleı kele, sóz arasynda Qalı Sársenbaıdyń hatyna da jaýap berdi, -dep Qamshy.kz aqparat agenttigi Egemen Qazaqstan saıtyna silteme bere otyryp 

Meırambek Besbaev jazýshynyń qazirgi qazaq óneriniń dástúrli rýhanı qundylyqtarmen sabaqtastyǵyn jete zerdeleýge qatysty qundy oılarynyń oryndy ekenin atap ótti. «Shynymdy aıtsam, sondaı úlken kisiler bizderdi oqıdy dep oılamappyn. Oıymyzdy qadaǵalaǵany úshin alǵys aıtamyn ári «qyzym saǵan aıtamyn, kelinim sen tyńda» degendeı biraz nazyn aıtqan eken. Jalpy maǵan emes, birtalaı óner adamdaryna kerekti kóp áńgimeler jazypty. Jastardy qansha synaı bergenmen, olardyń ishinde de aqyldylary, estileri bar. Qudaı qalasa hatqa keńinen jaýap berýge tyrysamyn. Qazir konsertke daıyndyq ústindemin. Konsertten keıin asyqpaı, múmkin aǵamyzben birge otyryp, ózine tikeleı jaýap beretin shyǵarmyn», dedi ánshi.

Sonymen birge, ol rýhanı-estetıkalyq talǵam men ulttyq mentalıtetimizdi saqtaı otyryp mádenıettiń jandanýy úshin atsalysýǵa bılik basyndaǵy ónerge jany jaqyn adamdar qolǵa alýy tıis ekendigin jetkizdi. «Birneshe jyl buryn talaı-talaı ózara jınalystar jasaǵanbyz. Onyń ishinde kóptegen óner adamdary boldy. Ánshiler, aǵa býyn ókilderi. Basynda kelisip alamyz da, aıaǵynda aıaqsyz qalyp ketedi. Nege deseńiz, bizde báribir bılik bolmaǵannan keıin jınalyp alyp, mynaý ótsin, mynaý ótpesin dep esh jerde aıta almaımyz. Sondyqtan efırge árkim shyǵýǵa quqyly. Sonymen bul másele sol kúıi qalyp qoıǵan edi. Endi keleshekte shynymen jany ashıtyn bılik basyndaǵy, mádenıette, ónerge jaqyn adamdar osyny qolǵa alady dep oılaımyn», – dedi Meırambek Besbaev.