Toǵyz eldiń namysyn arqalap kelgen kil myqtylar «SILK WAY STAR» telejobasynyń kelesi kezeńine daıyndyqtaryn jalǵastyrýda. Úmitkerler aldaǵy senbi kúni kórermen júregin álemdik múzıkl janryndaǵy tamasha týyndylarmen jaýlamaq. Sonymen qatar, án baıqaýyna qatysýshylar jankúıerlerine arnaıy tosyn syı ázirlep qoıdy. Tanymal ánshiler mýzyka álemine jasaǵan alǵashqy qadamdary jaıly syr shertip, balalyq shaqqa saıahat jasaıtyn bolady. Sondyqtan «QAZAQSTAN» Ulttyq telearnasyn senbi kúni 21:20-da qosyp, eksklúzıvti suhbatty ótkizip almańyzdar,- dep habarlaıdy Qamshy.kz aqparat agenttigi.
Múzıkl keshi qulaqtan kirip boıdy alar ánderge toly bolary haq. Bashqurtstan ókili Ian Lıra kórermendi jantebirenter tanymal aǵylshyn ánimen tánti etpek. Ázirbaıjandyq Efendı óz kezeginde HH ǵasyrdyń toqsanynshy jyldarynan bastap álemdik mýzykanyń tórinen oryn alǵan ánshilerdiń týyndysyn oryndaýǵa bel býdy. Grýzıa elinen kelgen Temo osy joly Tbılısıge emes «Nú-ıork» qalasyna saıahat jasaýǵa shaqyratyn bolady. Túrkıalyq Fýlın ánin asyl tastardy jaqsy kóretin qyzdarǵa arnap, merekelik kóńil kúı syılamaqshy. Al Tájikstan eliniń senimin arqalap kelgen Safarmýhammad ǵajaıyp shyǵys ertegiler álemine oralýdy sheshti. Tatarstannyń Malıka esimdi ánshisi ótken ǵasyrdyń sulýlar obrazyn somdaıdy. Qyrǵystandyq Omar, Qazaqstan namysyn qorǵap júrgen Aıqyn jáne Ózbekstan ókili Saıda aldaǵy senbide tikeleı Parıjge jol tartýdy jón kórdi.
Tosyn syılar munymen shektelmeıdi. «Silk way star» sahnasynda Qazaqstannyń eńbek sińirgen qaıratkeri óner kórsetedi. Kim ekenin, aldaǵy senbi bile jatarsyz. Bizge tek, qatysýshylardyń baryn salyp, keremet shoý jasaýǵa saqadaı saı ekendigi belgili.
Esterińizge sala keteıik, «Silk way star» telejobasy qyrkúıek aıynyń otyzy kúni bastalǵan edi. Halyqaralyq mýzykalyq baıqaýǵa Qazaqstan, Qyrǵyzstan, Tájikstan, Ózbekstan, Túrkıa, Ázirbaıjan, Grýzıa, Tatarstan jáne Bashkurtstan elderiniń ánshileri qatysýda. «QAZAQSTAN» Ulttyq telearnasynyń biregeı jobasy Uly Jibek joly halyqtarynyń mádenıetin ushtastyryp qana qoımaı, óskeleń urpaqtyń talǵamyn gúldendirýge septigin tıgizeri haq. Aptanyń senbisinde 21:20-da qatysýshylardyń oryndaýynan lázzat alyp, qyzyqty suhbattardan qur qalmańyzdar.
