Eki el arasyndaǵy dıplomatıalyq qatynastardyń 25 jyldyǵyn atap ótýge qýyrshaq sheberleri de qoıylymnyń avtorlary da erekshe yqylas tanytty.
Ataýly merekege oraı qýyrshaq sheberleri «Máńgige birgemiz» (Vmeste navsegda) atty kórmege ózderi arnaıy daıyndaǵan teńdessiz eńbekterin alyp keldi.
«Qýyrshaqtar túrli tehnıka tásilimen daıyndalǵan. Olardyń birin daıyndaýda jumsaq plasık paıdalanylsa, kelesi birinde toqyma tehnıkasy qoldanylǵan. Sondaı-aq túrli qosarlanǵan tehnıkalyq tásilder paıdalanylǵandary da bar. Qazaqstannyń qýyrshaqtar álemine 30-dan astam sheber 95 týyndysyn usyndy. Al Reseı tarapynan 19 sheberdiń 55 týyndysy qoıyldy»,-dedi kórmeniń kýratory Oksana Tanskaıa.
Kórmege qatysýshylardyń arasynda: Katerına Kýrochkına, Roza Sársenbaeva, Irına Samoılova, Anastasıa Elıseeva, Marına Kýrmanova, Galına Kleapovskaıa, Irına Itahýnova sıaqty has sheberler men osy ónerge endi ǵana den qoıǵan azamattar bar. Qazaqstan atynan týyndylaryn usynyp otyrǵan sheberler Almaty, Qaskeleń, Kókshetaý, Semeı, Zyránovsk, Rıddder sıaqty óńirlerden kelgender.
Merekeniń baǵdarlamasynda álem halyqtarynyń tilderinde qoıylymdar qoıylyp, kórmege kelýshilerdiń nazaryna túrli konsertter usynylyp, kitaptar men elektrondy oqýlyqtardyń tusaýy kesiledi. Sondaı-aq qýryshaq sheberleri qonaqtarǵa qýyrshaq jasaý ónerin úıretpekshi.
Aıta keteıik, Qazaqstan men Reseıdiń dıplomatıalyq qarym-qatynastarynyń ornaǵanyna 25 jyl tolýyna oraı uıymdastyrylǵan «Máńgige birgemiz» atty kórmeniń ótýine Reseıdiń Almatydaǵy bas konsýldyǵy men QR Á.Qasteev, atyndaǵy Memlekettik óner mýzeıi jáne Qazaqstan qýyrshaqshylar qoǵamdastyǵy muryndyq boldy.
