Almaty ákimi Baýyrjan Baıbek, máslıhat depýtattary, qoǵam ókilderi jáne qalanyń komýnaldyq qyzmet kásiporyndarynyń qyzmetkerleri jaıaý júrginshige basymdyq berip, qaıta jasalǵan Panfılov, Jibek joly, Qabanbaı batyr, Gogol kósheleri men «Astana» alańyna aǵash otyrǵyzý sharasyna qatysty.
Búgin pıtomnıkterde ósirilgen, 100% tamyr jaıyp ketetin butaq jarǵan aǵashtar: terek, qaıyń, emen otyrǵyzyldy. Jalpy, joba boıynsha qaıta jańǵyrǵan bes kóshede aleıaly jáne peızajdy 2312 aǵash, 3 myńnan astam butaqtar men kóptegen gúlzarlar otyrǵyzý josparlanǵan. Aǵashtyń basym kópshiligi osy aıda, al qalǵandary kóktemgi maýsymda otyrǵyzylady.
Keler jyly rekonstrýksıalanǵan kóshelerde dekoratıvti alma aǵashtary, akasıa, butaqtar, spıreıa, qaraqat pen keńtamyr gúl jaratyn bolady. Emen men terek kóleńkeli keńistikti qalyptastyrady, al qaıyń men shyrsha, týıa jyl boıyna hvoı ıisimen tynystatady.
«Almaty - baqpen kómkerilgen arý qala, sondyqtan biz burynnan bar aǵashtardy saqtaı otyryp, jasyl jelek qoryn ulǵaıtýǵa mindettimiz. Búgingi kúni qala bıznesmenderi «Týǵan jer» baǵdarlamasy aıasynda ınfraqurylymdy jobalarǵa ǵana emes, sonymen qatar aǵash otyrǵyzýǵa da belsene qatysýda, al bul óte mańyzdy. Bizdiń ásem qalamyz burynǵydan da sulý ári jasyl jelekke molynan bólenýi úshin qalalyqtardy osy bastamany qoldaýǵa shaqyramyn», - dep atap ótti Baýyrjan Baıbek.
Jalpy, bıylǵy jyly Almatyda 26 myńnan astam aǵash otyrǵyzyldy, taǵy da 5 myń jasyl jelek otyrǵyzý josparlanǵan. Bulardan ózge, kompensasıalyq jáne bastamashyl turǵyda 7 myń aǵash otyrǵyzylatyn bolady. Bıznestiń áleýmettik jaýapkershiligi aıasynda qalada jyl aıaǵyna deıin 210 aǵash otyrǵyzylady. Mysaly, kásipkerler Meńdiqulov kóshesiniń boıyna 15 aǵash, kólik turaǵy bolǵan Fýrmanov kóshesiniń boıyna (Sátpaev kóshesinen tómen) 31 terek otyrǵyzdy.
Almatyda bıylǵy jyly qalanyń tarıhı ortalyǵynyń úshten biri qaıta jasaldy, jańǵyrý aıasynda ǵımarattardyń syrtqy kelbeti árlendi, qurǵaq fontandar paıda boldy, avtorlyq arhıtektýralyq kishi pishinder qoıyldy, demalys aımaqtary, balalar alańdary jasaldy, jasyl jelekti sýarý jelisi júrgizildi.
