Donald Tramp Tehastaǵy shirkeýde bolǵan atys qurbandaryn eske alý úshin AQSH týlaryn «9 qarasha kún batqanǵa deıin» tómen túsirýge buıryq berdi, dep habarlaıdy Qamshy.kz aqparat agenttigi. 

Tehastaǵy shirkeýde oryn alǵan atysty Tramp «zorlyq-zombylyqtyń maǵynasyz áreketi» dep atady. Qandy qyrǵynǵa baılanysty Aq úıde jáne barlyq memlekettik ǵımarattarda, áskerı bazalarda, AQSH-tyń federaldy úkimetiniń kemelerinde, elshilikter men ókildikterde týlar tómen túsiriledi.

AQSH-taǵy bul oqıǵa resmı aza tutý bolyp sanalady.

Esterińizge sala keteıik, Tehastaǵy Baptıstik shirkeýde atys kezinde 27 adam qaza tapqan bolatyn. Atysty AQSH-tyń Áýe kúshterinde qyzmet etken 26 jastaǵy Devın Kellı jasaǵan.

Qylmysker shirkeýden shyqqanda oǵan jergilikti turǵyndar oq ata bastaǵan. Keıinirek qylmysker avtokóliginde óli kúıinde tabyldy.