Almatyda múmkindigi shekteýli jandar «Nur Otan» partıasynyń «Kedergisiz keleshek» jobasy aıasynda partıa ókilderimen kezdesip, kókeıtesti máselelerin jetkizdi. Qabyldaý Elbasy joldaýyndaǵy jumyspen qamtý, medısınalyq qamtamasyz etý taqyryptaryn qamtydy.

№11 qalalyq emhananyń bazasyndaǵy «Nur Otan» partıasynyń qabyldaýynda Jetisý aýdanynyń múmkindigi shekteýli azamattary boldy.

Qabyldaýdy Jetisý aýdanynda ornalasqan 3 mekemeniń bas dárigeri «Nur Otan» partıasynyń «Densaýlyq» bastapqy partıa uıymynyń tóraǵasy, №11 emhananyń bas dárigeri Maıra Júnisova, №21 emhananyń bas dárigeri Tókeeva Nurjamal,  «Qulager» ortalyǵynyń bas dárigeri Ulmeken Omarova bir mezette júrgizdi.  

«Kezdesýde 2-3 toptaǵy múmkindigi shekteýli adamdar boldy. Bul azamattar ózderin alańdatatyn máselelerimen bólisti. Atap aıtqanda, «Ońaı» kartasymen qamtamasyz etý, medısınalyq mekemelerdegi dárigerlerdiń jıi aýysatyndyǵy týraly aıtyldy. Endi, árıne qazir dárigerlik qyzmette negizinen jas mamandar. Jumys isteıtin mamandar bala týý boıynsha kezekti demalysqa shyǵýyna baılanysty jıi aýysady», - dedi №21 emhananyń bas dárigeri Nurjamal Túkeeva.

Onyń aıtýynsha, kelýsherdi asa tolǵandyrǵan dári-dármekpen ýaqytynda qamtý máselesi eken.

«Kóbine dáriler berilmeıdi nemese ýaqytynan keshiktirip beriledi degen pikirler aıtyldy. Farmasevtıkalyq kompanıalar Densaýlyq saqtaý basqarmasymen kelisim-shartqa otyrady. Ol kelisim shart aıasynda jetkiziletin ýaqyt, taǵy basqa máseleler bekitiledi. Sondyqtan dárimen qamtý máselesi Densaýlyq Saqtaý basqarmasynyń quzyrynda», - dedi Nurjamal Tókeeva.

Qabyldaýda bolǵan azamattarǵa Jetisý aýdany ákimi apparatynyń áleýmettik sala bólim basshysy Erlan Davov, aýdandyq partıa fılıaly tóraǵasynyń birinshi orynbasary Erlan Albısenov múgedektik boıynsha zeınetaqy mólsheri, baspana kezegi týraly túsindirdi.

«Biraz nárseniń basy ashyldy. Jetisý aýdanynda avtobýs marshrýttary yńǵaısyzdyq týdyryp otyr eken. Keıbir múgedek adamdar jeńildikpen «Ońaı» kartasy beriletinin de bilmeıtin bolyp shyqty. Bizge qaterli isikke shaldyqqan áıel adam kelip shaǵymyn aıtty. Ózi kúni boıy emhanada bolǵandyqtan, balasyna mektepte ystyq tamaq berilýin ótindi. Másele birden sheshimin tapty», - dedi  Jetisý aýdany ákimi apparatynyń áleýmettik sala bólim basshysy Erlan Davov.