Búgin AQSH Prezıdenti Donald Tramp 26 adam qaza tapqan Tehastaǵy jappaı atys-shabystyń amerıkalyqtardyń erkin qarý-jaraq ustaý zańyna emes, psıhıkalyq aýytqýdyń saldarynan boldy degen ýáj aıtty,- dep Qamshy.kz aqparat agenttigi  Reuters-ke súıene otyryp jazady.

Tokıodaǵy baspasóz máslıhatynda tilshiler Tramptan qandy oqıǵaǵa jaýap retinde «Amerıkanyń qarý týraly zańnamasyna qandaı da bir ózgerister endirile me?» dep suraǵan edi.  

Oǵan jaýapty Prezıdent Tramp bylaısha qaıyrdy:

«Bizdiń elimizde basqa elderdegideı «psıhıkalyq aýytqýlary» bar adamdar óte kóp. Biraq bul qarý máselesi emes, qýanyshqa oraı, qylmyskerge qarama qarsy bette oǵan oq atqan adam boldy. Bul «psıhıkalyq aýytqýdyń» eń qaýipti jaǵdaıy. Mundaı oqıǵanyń bolýy óte ókinishti».