Atyraý oblysy Isataı aýdanynyń Jańabaı aýyly mańynda Kaspıı teńiziniń jaǵalaýyndaǵy reıdttik tekserý sharalary kezinde iri kólemdegi bekire balyqtary tárkilendi,-dep Qamshy.kz aqparat agenttigi Habar telearnasyna silteme bere otyryp jazady. 

Bul baǵaly balyqtardyń salmaǵy shamamen jarty tonnadan asýy múmkin. Qazir mamandar zańsyz aýlanǵan balyqtardyń salmaǵyn ólshep, qandaı jolmen aýlanǵandyǵyn anyqtaý ústinde.

Ázirge belgilisi, qaıyqpen birge qolǵa túsken 4 adam ishki ister organdaryna jetkizilip, tergeý amaldary júrgizilip jatyr.

Danıar Baımaǵambetov, orman sharýashylyǵy jáne janýarlar dúnıesi aýmaqtyq ınspeksıasynyń basshysy:

– Tańǵy saǵat segizge jýyq Soltústik Kaspıı jaǵalaýynan 200 attyń kúshi bar qos motor ornatylǵan asa qýatty qaıyqty ustadyq. Qaıyqtaǵy tórt adamnyń barlyǵy da jaǵalaýǵa jaqyn ornalasqan Jańabaı aýylynyń turǵyndary bolyp shyqty. Qaıyq ishinen aýlaýǵa múlde tyıym salynǵan bekire balyqtaryn tárkiledik. Brakonerlerden barlyǵy 304 dana bekire balyǵy shyqty.